web counter
LEXO PA REKLAMA!

SHKARKO APP

App Store
Google Play

Dorëheqjet masive në bashkitë e vendit pas urdhrit të Ramës/ Strakosha: Nuk jemi gjykatë, është vullnet i nëpunësit

20 Tetor 2025, 13:48, Politikë CNA

Dorëheqjet masive në bashkitë e vendit pas urdhrit të

Në Komisionin e Ligjeve gjatë raportimit të Komisioneres për Mbikëqyrjen e Shërbimit Civil, Pranvera Strakosha, është diskutuar edhe urdhri i kryeministrit Edi Rama për dorëheqjet masive në bashkitë e vendit.

E pyetur nga deputeti i Partisë Demokratike, Arjan Ndoja, Strakosha tha se institucioni që ajo drejton shqyrton largimet nga puna në kundërshtim me ligjin dhe se dorëheqjet janë me vullnet të lirë.

Komisionerja Strakosha tha se KMSHC nuk është gjykatë, por institucion që zgjidh problematikat pa shkuar në gjykatë.

"Për sa i përket pyetjes për urdhrin e dorëheqjeve, kjo është në vullnetin e tyre, e jep apo nuk e jep, është e drejta e tyre. Ne shqyrtojmë largimet në kundërshtim me ligjin, që ankohen për largim nga puna, që lidhen me largimet e me statusin. Ne nuk jemi gjykatë, jemi indirekt, marrim njoftimin dhe shqyrtojmë procedurën, sepse është gjykata nëse çështja është atje.

Ne bëjmë vetëm shqyrtimin apo zgjidhjen pa shkuar në gjykatë. KLGJ, ILD dhe KLP ne i inspektojmë rregullisht, por të tjerat jo. Ne nuk kemi lidhje se çfarë bëjnë ata në gjykata, por me statusin e tyre. Nuk jemi në gjendje të japim një faturë të përgjithshme sepse kjo bëhet në bashkëpunim me KLSH-në, institucionet që inspektojnë", deklaroi ajo./CNA

 

 

 

 





Lajmet e fundit nga