web counter
LEXO PA REKLAMA!

SHKARKO APP

App Store
Google Play

Xhaferri: Në vitin 2030 mund të kemi universitetet me kulla, por auditorët do t’i kemi bosh

20 Tetor 2025, 15:36, Politikë CNA

Xhaferri: Në vitin 2030 mund të kemi universitetet me kulla, por

Deputeti i Partisë Demokratike, Besart Xhaferri, ka akuzuar qeverinë përmes një reagimi se kanë larguar nga vendi 254 mijë nxënës dhe studentë.

Në postimin e tij në "Facebook", ai shprehet se arsimi publik është kthyer në një ndërmarrje private ku shfrytëzohen studentët dhe familjet e tyre. Xhaferri shkruan se vetëm 17 mijë maturantë janë regjistruar këtë vit në universitetet publike, ndërsa shton se në 2030 auditorët mund të ngelen bosh.

Postimi i plotë:

Kupon prej 250 eurosh në muaj për çdo fëmijë në zonat e Tiranës ku nuk ka shkolla publike, dhe kupon prej 200 eurosh në muaj për çdo student në çdo universitet publik, ishin propozimet tona në prag të 11 majit.

Ndërkohë, ju që keni përzënë nga vendi 254 mijë nxënës dhe studentë, arsimin publik e keni kthyer në një ndërmarrje private, ku zhvasni pa mëshirë studentët dhe familjet e tyre.

Vetëm 17 mijë maturantë u regjistruan këtë vit në universitetet tona publike, pasi rreth 10 mijë maturantë mes tyre edhe fëmijët e ministrave dhe ligjvënësve socialistë, zgjodhën të studiojnë jashtë vendit.

Me këto ritme dhe në kuadër të projektit të "rijetëzimit", në 2030 mund të kemi universitet me kullë, por auditorët do të jenë bosh. /CNA





Lajmet e fundit nga