web counter
LEXO PA REKLAMA!

SHKARKO APP

App Store
Google Play

E fundit!

x

“Të vjen turp që janë në Parlament”/ Kikia: Hyjnë si deputetë me kravatë e dalin me pranga në duar

20 Tetor 2025, 15:01, Politikë CNA

“Të vjen turp që janë në Parlament”/ Kikia:

Gazetari Mentor Kikia kritikoi sot gjendjen e Kuvendit të Shqipërisë, bazuar te figurat e deputetëve.

Në një dalje televizive, Kikia u shpreh se niveli intelektual lë për të dëshiruar, pasi shumica shohin mundësitë për të gjetur vende pune për farefisin.

Kikia tha se edhe mazhoranca, edhe opozita janë gabim në zgjedhjen e emrave që përfaqësojnë shqiptarët.

“Nëse në Parlament ka ende njerëz që mbi 70% janë mbi nivelin intelektual. Nëse ka një pjesë të vogël, deputetët nuk janë për të rregulluar farefisin, për të gjetur rrëzë apo vend pune. Nuk janë për të bërë punën e portaleve.

Ka një degradim edhe të vetë institucioni dhe deputetëve. Të dyja palët e kanë gabimin. Edhe mazhoranca, edhe opozita. Vakuumin që ka opozita nga numri i mandateve, të mos e mbushë me shamata.

Të kemi një popull më të përgjegjshëm se deputetët që zgjedh. Nëse do ishte kështu, 1/3 e tyre nuk do të ishin në Parlament. Ka plot deputetë që nuk e meritojnë, sidomos në këtë legjislaturë. Hyjnë me kravatë si deputetë e dalin me pranga në duar. Të vjen turp t’i quash përfaqësues të popullit”,-tha Kikia./CNA





Lajmet e fundit nga