web counter
LEXO PA REKLAMA!

SHKARKO APP

App Store
Google Play

"Falë reformimit janë dënuar të pushtetshmit"/ Lamallari: Objektivi ynë ambicioz është drejtësia për të gjithë

20 Tetor 2025, 14:53, Politikë CNA

"Falë reformimit janë dënuar të pushtetshmit"/

I pranishëm në Konferencën "30 vite partneritet dhe progres: Shqipëria, Këshilli i Europës dhe Komisioni i Venecias”, ministri i Drejtësisë, Besfort Lamallari, deklaroi se reforma në drejtësi është më e thella e ndërmarrë në vendet e rajonit.

Lamallari tha se falë reformës në drejtësi institucionet e drejtësisë kanë dënuar edhe persona me pushtet.

 

"Shqipëria i përket sot një tjetër realiteti, sot po përmbush reformat kryesore.

Javën e ardhshme përmbushim 10 vite nga reforma në drejtësi më e thella në rajon.

Institucionet e drejtësisë kanë pasur mundësi të hetojnë njerëz me pushtet. Do të vijojmë të mbështesim drejtësinë", deklaroi Lamallari.

Ministri e vuri theksin te raportet e balancuara mes tri pushteteve.

"Një raport i shëndetshëm mes qeverisë, Parlamentit dhe Gjyqësorit është një balancë e shëndetshme, vetëm përmes parimit 'check and balance' gjykatat mund të japin drejtësi", tha ministri.

Lamallari tha se 60% e personave të arrestuar ndodhen në paraburgim në pritje të gjykimit dhe kjo po kthehet në padrejtësi.

"Kam marrë raportet, që nga momenti kur mora detyrën 60% e qytetarëve që janë në paraburgim janë në pritje të vendimit të gjykatave, pritja po kthehet në padrejtësinë më të madhe.

Sistemi i ndërmjetësimit ka rezultuar i suksesshëm.

Jemi të vetëdijshëm se shteti i së drejtës nuk është stacion ku mbërrijmë, por një udhëtim i vazhdueshëm", tha ai.

Lamallari deklaroi se nuk duhet të ketë shfokusim nga objektivi për t’u dhënë drejtësi të gjithëve.

"Duhet të rrisim transparencën dhe të mos lëkundemi nga objektivi ynë ambicioz për të dhënë drejtësi për të gjithë.

Aktualisht Shqipëria po rishikon mbikëqyrjen e organeve të drejtësisë nga Kuvendi", përmbylli Lamallari fjalën e tij./CNA

 

 





Lajmet e fundit nga