web counter
LEXO PA REKLAMA!

SHKARKO APP

App Store
Google Play

E fundit!

x

Buquicchio: 34 vjet bashkëpunim mes Komisionit të Venecias dhe Shqipërisë, çoi në miratimin e Kushtetutës

20 Tetor 2025, 15:00, Politikë CNA

Buquicchio: 34 vjet bashkëpunim mes Komisionit të Venecias dhe

Përfaqësuesi i Posaçëm i Komisionit të Venecias, Gianni Buquicchio, ishte i pranishëm në konferencën “30 vite partneritet dhe progres: Shqipëria, Këshilli i Europës dhe Komisioni i Venecias”.

Në fjalën e tij, Gianni Buquicchio deklaroi se bashkëpunimi mes Shqipërisë dhe Komisionit të Venecias ka filluar përpara 34 vitesh, përpara se vendi të anëtarësohej në Komision.

Më tej, Buquicchio ka kujtuar edhe takimet e para me institucionet shqiptare dhe vizitën e tij në Shqipëri si dhe një projekt bashkëpunimi të nisur në vitet ’90.

Projekt për të cilin, përfaqësuesi i Komisionit të Venecias tha se ishte sfidues. Por pavarësisht sifdave, tha Buquicchio, rezultati ishte miratimi i Kushtetutës së Shqipërisë, e cila vijon të jetë në fuqi, pa ndryshimet themelore.

 

“34 vjet bashkëpunim mes Komisionit të Venecias dhe Shqipërisë, sepse bashkëpunimi ka filluar përpara anëtarësimit të vendit. Kur isha i ri, Shqipëria ishte për mua një vend misterioz. Të shkelje tokën e vendit tuaj ishte një mister.

Bashkëpunimi me Shqipërinë zakonisht përfshin aspekte të së drejtës kushtetuese. E nisëm bashkëpunimin me kryeparlamentarin Kastriot Islami. Komisioni i Venecias u përfshi dhe në fillim të viteve ’90 në një projekt specifik bashkëpunimi. Ishte sfidues dhe në aspektin logjistik. Përfundimisht dhe pavarësisht të gjitha vështirësive, bashkëpunimi mes Komisionit të Venecias dhe Shqipërisë çoi në miratimin e Kushtetutës, e cila është ende në fuqi pa ndryshime themelore”, tha Buquicchio./CNA





Lajmet e fundit nga