web counter
LEXO PA REKLAMA!

SHKARKO APP

App Store
Google Play

Zgjedhjet në Maqedoninë e Veriut/ Zhulali: Proces demokratik dhe pa probleme, ndryshe nga Shqipëria

20 Tetor 2025, 17:31, Politikë CNA

Zgjedhjet në Maqedoninë e Veriut/ Zhulali: Proces demokratik dhe pa

Ekspertja e çështjeve ndërkombëtare, Ilda Zhulali komentoi sot lidhur me procesin zgjedhor në Maqedoninë e Veriut.

Në një intervistë në ‘Syri Tv’, Zhulali tha se shteti fqinj, bashkkë me Kosovën, zhvillojnë procese demokratike, të pakontestuara dhe pa probleme, ndryshe nga Shqipëria dhe Serbia.

Zhulali u ndal edhe te rezultatet paraprake dhe ekuilibrat e vendosur mes partive kryesore dhe atyre të koalicionit në RMV.

“Gjëja e parë që na bën përshtypje ne në Shqipëri, është që u zhvillua një proces normal zgjedhor. Dhe në këtë kuptim, Maqedonia i bashkohet Kosovës si dy vende që zhvillojnë procese demokratike zgjedhore, të pakontestuara pa probleme, ndryshe nga Shqipëria dhe Serbia që janë dy vende problematike në zhvillimin e zgjedhjeve në rajonin e Ballkanit Perëndimor. Kështu që, për çdo qytetar shqiptar që jeton në Shqipëri është që u zhvillua një proces pa probleme, i pakontestuar dhe që përfaqëson vullnetin e lirë të qytetarëve në Maqedoni të çdo etnie qofshin ata.

E dyta pastaj, vijnë edhe rezultatet paraprake që kemi deri tani dhe kemi një konsolidim të VMRO-DPMNE e cila është në vitin e dytë të qeverisjes. Pra nuk ka patur një luhatje të madhe nga fitorja në zgjedhjet e përgjithshme, ndërkohë që nga ana tjetër ajo parti që qëndron në anën tjetër të ekuilibrit është LSDM, sepse duket që këto zgjedhje u ndanë në një garë mes maqedonasve mesvetes dhe shqiptarëve mesvetes.

Ky është të paktën perceptimi i përgjithshëm dhe të paktën kështu po trajtohen rezultatet deri më tani, përfshirë edhe nga vetë partitë politike në Maqedoni. Dhe LSDM ka patur një humbje shumë të madhe dhe në këtë rezultatin e saj katastrofik duket se ka ndikuar dhe partia e re, e majta që ka hyrë në skenën politike. në një farë mënyrë, LSDM ka marrë edhe koston e qeverisjes së saj, por edhe koston e marrëveshjeve që ka arritur gjatë kohës që ka qëndruar në pushtet, qoftë me Greqinë apo qoftë me Bullgarinë, që ka patur edhe një vëmendje të shtuar dy vitet e fundit në Maqedoni përsa kohë ajo vazhdon të jetë e bllokuar në procesin e anëtarësimit të saj në BE”,-tha Zhulali./CNA





Lajmet e fundit nga