LEXO PA REKLAMA!

SHKARKO APP

Gurra tallet me Endri Fugën: Nga muret e “pallatit”, shkoi te strofulla partiake

3 Mars 2023, 18:02, Politikë CNA

Gurra tallet me Endri Fugën: Nga muret e “pallatit”, shkoi te

Gazetari Hysni Gurra ironizoi Endri Fugën, kryeSpin-Doctor-in e kryeministrit Rama i cili sipas tij e ka lënë “pallatin” për tu angazhuar në fushatën zgjedhore.

Në një postim në rrjete sociale ai ka tha se Fuga sipas parimeve të komunimit në vendet perendimore, duhet që pas përfundimit të zgjedhjeve të dalë nga skena dhe mos të marrë detyra institucionale.

Gurra shpjegon se ky parim ekziston që Spin-Doctor-ët partiakë, ashtu si Fuga mos të veshin komunikimin institucional në funksion të partive, gjë të cilë Fuga po e bën prej 10 vitesh.

“Arkitekti i komunikimit, kryeSpin-Doctor-i i Ramës është larguar nga funksioni zyrtar që ka mbajtur deri tani.

Me pak fjalë, ka dalë nga muret e “pallatit” dhe shkuar me kohë të plotë te strofulla partiake.

Fuga këtë gjë duhet ta kishte bërë çdo ditë të këtij dhjetëvjeçari.

Në parimin e komunikimit, në perëndim, një Spin-Doctor ekselent duhet që, me të mbaruar zgjedhjet të hiqet mënjanë, të dalë nga skena dhe të mos marrë detyra institucionale.

Pse është ky parim?

Ky parim është sepse komunikimi dhe spiunimi i lajmit nga një parti është diçka dhe spiunimi i lajmit nga institucionet është diçka tjetër.

Spin-Docto-ët partiakë nëse vishen me detyra institucionale janë të aftë që të fusin gjithë komunikimin institucional shtetëtor në funksion të partisë politike.

Këtë gjë ka bërë Fuga dhjetë vite. Ka kontrolluar, ka orientuar dhe përcaktuar të gjithë komunikimin institucional sipas oreksit të Partisë Socialiste, bile as partisë fiks jo, por në funksion të një personi të vetëm, Edi Ramës.

Thënë me shembuj, komunikimi i Ministrisë së Shëndetësisë, i Ministrisë së Brendshme, asaj të financave etj ka qenë komunikim i manipuluar dhe i orientuar, jo siç do duhej të ishte. Realist, institucional dhe komunikim institucionesh që kanë përgjegjësi përtej atyre të një partie politike.

Në dhjetë vitet e fundit të gjitha institucionet shtetërore kanë komunikuar me publikun sikur të ishin sekretariate apo departamente të partisë në pushtet.

Kostoja e këtij komunikimi i ka bërë një dëm të jashtëzakonshëm Shqipërisë gjatë dekadës së fundit.

Qëllimi i këtij komunikimi është trullosja e popullit, dhe këta ia kanë dalë me sukses. Prandaj edhe në vendet perëndimore spin-doctor-ët partiakë nuk lejohet të vishen asnjëherë me detyra në institucione publike.

Ky lloj komunikimi që ka ndodhur këto vite në Shqipëri ngjan me modelin kinez, ku partia dhe institucionet publike janë njësh më njëra tjetrën, nuk kanë asnjë dallim.

Është lajm i mirë që Fuga ka shkuar te partia, paçka se qëllim i kësaj lëvizje mund të jetë skemë.

Nuk është çudi që ai po angazhohet me kohë të plotë në PS për të rritur figurën e shokut të tij të ngushtë, Veliajt, te anëtarësia e partisë, e cila ka një irritim për të si figurë.

Thënë më thjeshtë; Fuga po shkon të angazhohet me kohë të plotë te partia për t‘u hedhur trutë e gomarit socialistëve dhe në finale t’u shesë gomarin për kalë anëtarsisë, pra, nuk po ikën se ka kuptuar që komunikimi institucional duhet të jetë i ndarë nga ai partiak”, shkruan ai./CNA.al

 

 

Lajmet e fundit nga