LEXO PA REKLAMA!

SHKARKO APP

E fundit!

x

“Jam këtu që t’ju dëgjoj”/ Belind Këlliçi, takim banorët e njësisë nr.9 në Tiranë

27 Janar 2023, 16:26, Politikë CNA

“Jam këtu që t’ju dëgjoj”/ Belind

Është koha që qytetarët të thonë fjalën e tyre për Tiranën dhe kandidati i Partisë Demokratike, Belind Këlliçi ka dëgjuar shqetësimet e tyre në takimin që zhvilloi në njësinë nr.9.

“Jam këtu që t’ju dëgjoj”, ishte mesazhi i tij për banorët në nisje të takimit, shqetësimet e të cilëve Këlliçi i ka mbajtur shënim një për një, duke ndarë me ta idetë dhe propozimet e tij.

“Kur flet për Tiranën, na dhemb zemra. Trafiku në Tiranë është bërë i papërballueshëm. Nuk mbaron dot punë shpejt. Unë rrallë dal, vetëm në rastet urgjente, por më kot është ajo në raste urgjente. Më mirë ecën në këmbë sesa me makinë”, u shpreh një prej qytetarëve.

“Jam këtu që t’ju dëgjoj”/ Belind

Mungesa e hapësirave publike, si në çdo takim të kandidatit për Tiranën, Belind Këlliçi, ka qenë një ankesë që përsëritet vazhdimisht nga qytetarët.

“Një nga problematikat më serioze të këtij qyteti është ai i parkimit të makinave të qytetarëve. Bashkia e Tiranës, në vend se ta lehtësojë këtë problem, ka përfituar për të zhvatur maksimalisht banorët që mundohen të parkojnë automjetet e tyre” u shpreh një zonjë.

Shqetësim i banorëve në njësinë nr.9 kanë qenë edhe vendet e pamjaftueshme në kopshte dhe çerdhe për një nga zonat më të populluara të Tiranës.

“Jam këtu që t’ju dëgjoj”/ Belind

“Një nga problemet që unë kam vënë re në njësinë nr.9 është problemi i kopshteve dhe i çerdheve. Njësia nr.9 ka rreth 85 mijë banorë dhe janë vetëm 3 kopshte dhe 2 çerdhe. Imagjino tërë popullata sa siklet ndihet për të gjetur vend në kopshte dhe çerdhe”, u shpreh një banor i zonës.

Mungesa e hapësirave të gjelbra, problemet me transportin, ndotja e ajrit dhe shpërdorimi i taksave nga administrata e Bashkisë së Tiranës kanë qenë pjesë e ankesave të banorëve të njësisë nr.9. Dëgjimi i tyre është edhe qëllimi i turit të kandidatit të Partisë Demokratike për Tiranën, Belind Këlliçi./ CNA.al

“Jam këtu që t’ju dëgjoj”/ Belind

Lajmet e fundit nga