LEXO PA REKLAMA!

SHKARKO APP

Lidhjet me ish-zyrtarin e FBI-së/ “Babalja” kërkon hetime për Ramën

27 Janar 2023, 14:38, Politikë CNA
Lidhjet me ish-zyrtarin e FBI-së/ “Babalja” kërkon hetime
Deputeti i PD-së, Ervin Salianji

Deputeti i PD-së, Ervin Salianji, i njohur ndryshe si “Babalja”, ka kërkuar hetime për lidhjet e kryeministrit Edi Rama me ish-zyrtarin e FBI-së, Charles McGonigal.

Në një deklaratë për mediat nga Kryesia e Kuvendit, Salianji tha se i ka bërë shkresë SPAK-ut, SHISH-it dhe Ministrisë së Brendshme, ku kërkon hetime për akuzat e ngritura së fundmi.

“Të gjitha mediat ndërkombëtare e kanë pasur në faqe të parë dhe lajm të parë Shqipërinë, si një vend i cili ka tentuar të korruptojë në këtë rast.

Unë s’mund të bëj dot as prokurorin, as akuzatorin, por moralisht mendoj se nuk ka asnjë çështje më të rëndësishme. Nuk ka asnjë reagim nga institucionet shtetërore.

Për këtë arsye sot si deputet i kam dërguar këto shkresa SPAK-ut, SHISH dhe Ministrisë së Brendshme, Policisë dhe Agjencisë së Inteligjencës së Ministrisë së Brendshme”, theksoi ai./ B.A. - CNA.al

Lajmet e fundit nga