web counter
LEXO PA REKLAMA!

SHKARKO APP

App Store
Google Play

Goditja e opozitës me anë të agjentit të FBI-së/ Protestë, kur?

27 Janar 2023, 13:18, Politikë CNA

Goditja e opozitës me anë të agjentit të FBI-së/

Kreu i PD-së, Sali Berisha, për të disatën herë paralajmëron protestë, por pa thënë se kur.

Këtë radhë, sipas tij, qytetarët kanë edhe një arsye më shumë, duke iu referuar skandalit Mc Conigal.

“Do ta shihni se si do të dalin qytetarët në protestë se nuk mund të pranohet një kryeministër si ky.

Një kryeministër që paguan për t’i dhënë një goditje të rëndë opozitës. Shqiptarët nuk do t’ia falin kurrë Edi Ramës”, ka thënë Berisha.

Sipas tij, akuzat më konkrete ndaj McGonigal janë në dosjen shqiptare.

“Çdo shqiptar e ka të qartë se ky kryeministër është turpi, është faqja e zezë e këtij vendi dhe do mbetet i tillë në historinë e marrëdhënieve shqiptaro-amerikane.
Ndaj siç kam deklaruar, përsëris edhe njëherë vendosmërinë e PD-së për të udhëhequr revolucionin demokratik dhe përmbysjen e këtij regjimi me një lëvizje të fuqishme popullore të paparë ndonjëherë në Shqipëri.
PD do të krijojë komision hetimor parlamentar me qëllimin e bashkëpunimit të ngushtë me autoritetet e SHBA-së për zbardhjen në çdo detaj të kësaj afere që ka tronditur SHBA, NATO-n dhe gjithë botën e lirë.
PD po mbledh dhe do dërgojë të gjithë informacionin se në shkelje flagrante të sanksioneve ndaj mikut të tij, oligarkut të Putinit, ka vazhduar aktivitetin i pashqetësuar për katër vite që nga momenti i vendosjes së sanksioneve, nga viti 2018 deri në vitin 2022, i paturbuar. Me lobimin apo jo të Charles McGonigal këtë duhet ta sqarojë drejtësia e SHBA-së. Por ne jemi të vendosur të japim kontributin tonë”,  është shprehur Berisha./CNA.al





Lajmet e fundit nga