web counter
LEXO PA REKLAMA!

SHKARKO APP

App Store
Google Play

E fundit!

x

Meta “bën të fortin”/ Kërcënon sërish Ramën: Do ta heq me çdo çmim

27 Janar 2023, 14:56, Politikë CNA
Meta “bën të fortin”/ Kërcënon sërish
Kreu i PL-së, Ilir Meta

Kreu i PL-së, Ilir Meta, “ka bërë të fortin” dhe ka kërcënuar sërish kryeministrin Edi Rama gjatë një konference me gazetarët.

Teksa hodhi akuza ndaj kreut të qeverisë për lidhjet e këtij të fundit me ish-zyrtarin e FBI-së, Charles McGonigal, Meta tha se do ta largojë Ramën me çdo çmim.

“Për mua Edi Rama duhet të kishte dhënë dorëheqjen, ndryshimi do të ndodhë me çdo çmim. Çmimin le ta zgjedhë Edi Rama. Ne çmimin e shpërbërjes së Shqipërisë, çmimin e shkatërrimit të demokracisë në vendin tonë dhe shkatërrimit të interesave tona kombëtare nuk e pranojmë dhe Edi Rama bën mirë ta zgjedhë me një çmim sa më të arsyeshëm për veten e tij dhe të bëhet bashkëpunëtor i drejtësisë.

Ky do të ishte i vetmi kontribut i tij dhe për reformën në drejtësi që e shkatërroi, që e degradoi dhe mirë që shkatërroi këtë tonën duke zgjedhur prokurorë me 69 vota e duke bërë betimin te Lana të anëtarëve të GJK, bile e përdhunoi dhe më keq kur Dvoranin, heroin, kampionin demokracisë e la me 12 vota. E mbani mend, vetëm 12 vota i dha. Shqiptarët nuk i përdhunon dot, çmimin le të zgjedhë vetë dhe ta zgjedhë sa më parë. Është mirë për të dhe për ata rilindasit, për këtë sekt që punon vetëm në këtë mënyrë. Siç punon ky, punojnë të gjithë në zyrat e tyre dhe u pinë gjakun shqiptarëve”, theksoi Meta./ B.A. - CNA.al





Lajmet e fundit nga