LEXO PA REKLAMA!

SHKARKO APP

Felaj injoron opozitën/ Debate të forta në Kuvend: Ndiej keqardhje, ju ka deformuar karrigia

21 Shtator 2023, 10:44, Politikë CNA

Felaj injoron opozitën/ Debate të forta në Kuvend: Ndiej

Zëvendëskryetarja e Kuvendit, Ermonela Felaj, ka injoruar njoftimin e grupit të PD-së, i cili ka zgjedhur Gazment Bardhin si kreun e grupit parlamentar të PD-së.

Kjo ka sjellë shumë reagime dhe debate nga ana e deputetëve të opozitës.

Bardhi ka kërkuar që të lexohen njoftimet dhe të mos bëhet seleksionimi i tyre pavarësisht se shkresa mund të mos u pëlqejë atyre dhe Lulzim Bashës.

“Lexoni njoftimin e grupit të PD-së, pavarësisht i pëlqejnë apo jo drejtueses së përkohshme të seancës apo disa të tjerëve”, tha Bardhi.

Nga ana tjetër Felaj u shpreh se opozita ka sjellë në Kuvend një situatë të paprecedentë.

Menjëherë deklaratës së saj i është përgjigjur Dashnor Sula.  

“Ndiej keqardhje për deformimin tuaj në atë karrige. Një intepretuese shumë e keqe e rregullores së Kuvendit. Ne nuk e kemi futur Kuvendin në këtë situatë të pazakontë, e keni futur ju. Ju pëlqen apo jo juve, ne kemi një kryetar grupi parlamentar”, tha Sula. / CNA

Lajmet e fundit nga