web counter
LEXO PA REKLAMA!

SHKARKO APP

App Store
Google Play

E fundit!

x

Abazoviç, në Këshillin e Sigurimit/ “Të ndalet lufta ruse, agresion i papranueshëm”

20 Shtator 2023, 22:58, Politikë CNA
Abazoviç, në Këshillin e Sigurimit/ “Të ndalet lufta
Kryeministri i Malit të Zi, Dritan Abazoviç

Kryeministri i Malit të Zi, Dritan Abazoviç, gjatë fjalës në Këshillin e Sigurimit të OKB-së tha se agresioni rus në Ukrainë është tërësisht i papranueshëm.

Abazoviç deklaroi se arritja e objektivave politike përmes dhunës, është e papranueshme në shekullin e 21-të.

Ai u shpreh se Mali i Zi është i gatshëm të mbrojë vlerat demokratike, ndërsa kërkoi të ndalet lufta.

“Kjo që po ndodh në Ukrainë, pas agresionit të Federatës Ruse, është tërësisht e papranueshme. Dhuna, çdo lloj dhune, arritja e objektivave politike përmes dhunës, është e papranueshme në shekullin e 21. Mali i Zi mbështet fort popullin ukrainas, sepse Ukraina sot, janë ata që po pësojnë disfatën. Nëse jemi gati të mbrojmë vlerat demokratike, e të promovojmë paqen e stabilitetin, duhet të themi të vërtetën e po kështu të ofrojmë të gjithë ndihmën tonë sepse sot është Ukraina, por nesër mund të jetë një vend tjetër. Mali i Zi është një vend shumë i vogël, por një vend i cili po konrtibuon për paqe dhe siguri. Mali i Zi është vendi që ka numrin më të madh të refugjatëve nga Ukraina, krahasuar me numrin e banorëve. 5 % e popullsisë sonë janë refugjatë nga Ukraina.

Ju bëj thirrje të gjithë pjesëmarrësve, të ndalojnë luftën, të ulen në tryezë, të diskutojnë. Dua të përgëzoj kryeministrin shqiptar për organizimin e këtij forumi. Mendoj se ideja e Kombeve të Bashkuara, është të jemi të bashkuar, jo të përçarë”, theksoi kryeministri malazez./ CNA





Lajmet e fundit nga