web counter
LEXO PA REKLAMA!

SHKARKO APP

App Store
Google Play

E fundit!

x

Blinken, me tone të forta/ Transporti i drithërave mund të ulet drastikisht për shkak të Rusisë

20 Shtator 2023, 20:28, Politikë CNA

Blinken, me tone të forta/ Transporti i drithërave mund të ulet

Sekretari amerikan i Shtetit, Antony Blinken, foli me tone të ashpra ndaj Rusisë për agresionin në Ukrainë dhe bllokimin e marrëveshjes për eksportin e drithërave.

Blinken tha në Këshillin e Sigurisë se veprimet e Rusisë mund të ulin drastikisht transportin e drithërave dhe sipas tij nga kjo gjë përfiton vetëm Moska.

Ai deklaroi se SHBA nuk do të heqë dorë dhe do të mbështesë Ukrainën në këtë situatë.

“Rusia po minon venddepozitimet e drithërave. Si rezultat, transporti mund të ulet me 2 milionë ton dhe është ekuivalente e 5 miliardë e gjysmë feta buke në botë. Rusia po e bën këtë. Sa më e uritur të jetë bota, aq më shumë përfiton Moska.

Rusia po përdor dronë iranianë për të sulmuar Ukrainën, duke shkelur rezolutën 2231 kundër Iranit. Së fundmi, Rusia në fakt bëri një takim me përfaqësuesin e Koresë së Veriut. U shpreh se kishte mbështetjen e plotë për luftën e agresionit të Rusisë. Bashkëpunimi mes Moskës dhe Phenianit do të shkelte një sërë rezolutash të këtij këshilli.

Pra, janë vende të cilat vazhdojnë të kundërshtojnë atë çfarë përfaqëson Këshillin e Sigurimit. Putin vazhdon të vërë baste, nëse vazhdon me dhunën, nëse mund të shkaktojë vuajtje tek mjaftueshëm, bota do të heqë dorë nga parimet dhe Ukraina do të ndalet së mbrojturi veten, por ukrainasit nuk heqin dorë.

Ata e kanë parë se çfarë mund të ndodhë po t’i nënshtrohen kontrollit rus. As ne nuk heqim dorë. Që prej vitit të kaluar, një numër në rritje janë bërë bashkë për një rrugë të ndryshme përpara”, theksoi Blinken./ CNA





Lajmet e fundit nga