web counter
LEXO PA REKLAMA!

SHKARKO APP

App Store
Google Play

Eurodeputetët i kthehen kundër Ramës/ Kryeministri debat për raportin e Dick Marty-t

12 Tetor 2022, 18:19, Politikë CNA
Eurodeputetët i kthehen kundër Ramës/ Kryeministri debat për
Kryeministri Edi Rama

Fjalimi i kryeministrit Edi Rama për raportin e Dick Marty-t në Asamblenë e Përgjithshme të Këshillit të Europës, nuk u prit mirë nga disa eurodeputetë.

Zëdhënësi i Rumanisë në Asamble, Iulian Bulai, tha se ky organ i Këshillit të Europës nuk është Prokurori.

“Vizita juaj është historike, pjesa e parë e fjalës suaj shfaqi një udhëheqës vizionar në çështje ndërkombëtare. Por pati një asimetri midis gjithë ambicieve të mëdha dhe shfaqjes së një politikani që u frikësohet fantazmave të së shkuarës. Kjo është për të ardhur keq. Duhet thënë që kjo asamble nuk është prokuroria. Le të presim përgjigjen e Prokurorisë në Hagë për t’iu përgjigjur. Pse të synohet për një minishengen si 'Ballkani i Hapur', kur ne mund t’ju ndihmojmë të synoni për një shembull më të madh. Cili është roli që mund të luajë Shqipëria si model në integrimin e Ballkanit Perëndimor. Nga ana tjetër, zoti kryeministër, mbështesni nismën e 'Ballkanit të Hapur' që kundërshtohet nga Kosova dhe që e izolon atë. Dua një përgjigje të sinqertë”, u shpreh Bulai.

Eurodeputetët i kthehen kundër Ramës/ Kryeministri debat për

Frank Schwabe, deputeti i Bundestagut gjerman kritikoi fjalimin e gjatë të kreut të qeverisë.

“Kam mbetur pa fjalë sepse nuk është e mundur që të flisni për kaq shumë kohë dhe të mos na lini të bëjmë debat, është problematike. Mendoj të ftojmë për të ardhur sërish. Nuk e di çfarë të pyes dhe ç'të dikskutuoj. Duhet të pyes për gjyqësorin në Shqipëri, nuk e di nëse do të vini në Rijkiavik. Por nuk e di nëse është forumi për ta bërë një gjë të tillë. Kthehuni sa më parë dhe të diskutojmë”, tha ai.

Eurodeputetët i kthehen kundër Ramës/ Kryeministri debat për

Edhe eurodeputetja Kovaç nga Serbia u kthye kundër Ramës për deklaratën e tij.

“I nderuar kryeministër, jam e tronditur në emër të PPE-së, ishte mungesë respekti ndaj kësaj organizate. Raporti ishte jo nga delgacioni serb apo rus, ju treguat një mungesë respekti. Ramë dakord që t'ju pyesja për Balkanin e Hapur por nuk munda pas fjalës suaj prej 1 ore, duke mos folur për Shqipërinë por për dicka tjetër. Kam 15 vjet këtu dhe nuk kam përjetuar dicka të tillë”, theksoi Kovaç.

Eurodeputetët i kthehen kundër Ramës/ Kryeministri debat për

Ndërkohë, kryeministri shqiptar iu përgjigj menjëherë kritikave dhe doli sërish në mbrojtje të Kosovës.

“Zoti president, të ndëruar anëtarë, nuk jam i sigurtë për ata që shprehën parehatinë e tyre për fjalën time nëse e kuptuan atë për të cilën po flisja. Iu sugjeroj që ta lexojnë sërish e sërish dhe do të gjejnë se përse jam këtu dhe sa shumë e respektoj këtë institucion. Kur sheh nga vetja dhe për të pasur pjesën e duhur të autokritikës. Nuk i akuzova për asgjë paraardhësit tuaj, po të isha si ata dhe të më thoshin që ekziston dyshimi për trafik organesh do të votoja. Jemi 11 vjet më pas, ku janë organet?

Nuk është e patakt zonjë që të thërrasësh këtu dhe të kërkosh institucionet e politikën që të vërë në vend besimin e njerëzve tek ta. Mund ta kuptoj, por i vetmi që do të kuptoja është kolegia serbe. Është e tronditur. Do të duhet më shumë kohë se për çdo njeri tjetër që të jetojë më shumë dhe të bëjë njohjen e Kosovës. Jam krenar që i shërbej Kosovës, kur e vërtegta ime është e mirë për Serbinë në rregull. Një ambasador ishte i shqetësuar se një person nga vendi i tij i zhdukur në malet e Shqipërisë dhe i ishin marrë organet. Kështu krijohen stereotipet. Nuk tërheq asnjë fjalë për ato që thashë. Më duhet t'u përgjigjem pyetjeve tani. Kishte disa njerëz që nuk duhet t'u vijë keq për mua... (Ndërhyn kryetari i Asamblesë)

Jo më duhet t'u përgjigjem pyetjeve. Se pastaj e bëjmë si në parlamentin shqiptar. Kur japim opinionet, duhet që të jap edhe unë opinionet e mia”, nënvizoi Rama./ B.A. – CNA.al





Lajmet e fundit nga