web counter
LEXO PA REKLAMA!

SHKARKO APP

App Store
Google Play

Nard Ndoka zbulon ‘dashurinë’ e fshehtë të Ramës

11 Tetor 2022, 20:45, Politikë CNA

Nard Ndoka zbulon ‘dashurinë’ e fshehtë të Ramës

Kryetari i PDK-së, Nard Ndoka, i cili ka konfirmuar bashkëpunimin me opozitën, ka folur pasditen e sotme për raportin me kryeministrin Edi Rama.

Ndoka pranoi publikisht se Rama e ka përzemër, ndërsa shpjegoi edhe arsyen që i ka bërë ata të kenë një raport të mirë.

Ai tha në “Fax News” se ka qëndruar krah kreut të qeverisë kur ky i fundit ka pasur kauza dhe kjo ka bërë që Rama ta ketë përzemër.

Pavarësisht kësaj, Ndoka shprehet se aleancën do ta ketë me opozitën.

“Po më ka përzemër sepse në momente të vështira kur ai e ka ngritur një kauzë kam qenë krah tij edhe ka arsye për t’më pasur, por sot ai është në vetminë e tij, kur kishte nevojë i afronte të gjithë. Kjo është filozofia, se kur kishte nevojë i merrte të gjithë aleatët e majtë, në atë kohë zoti Milo, Gjinushin, Ngjelën, e me radhë. Kur ai e mori pushtetin, mori tortën dhe u ul me prapanicë, gjithë personazhet e tjerë i largoi, por kjo i bëri dëm pluralizmit. Sot bashkëpunon me grupe kriminale, por jo me sigla partish.

Në këtë kontekst, e djathta e ka ruajtur pjesën plurale pavarësisht se Lulzim Basha i dha disa goditje, ishin në lojë të dy bashkë që t'i largonin partitë e tjera politike. Alternativat e reja e kishin shumë të vështirë të mbijetonin në këtë filozofi dhe treg politik që ndërtuan. Në këto kushte e djathta ka një frymëmarrje më të madhe, është merita e zotit Berisha që ka ruajtur pjesën plurale. Një lider që i ka parë aleatët si peshë, si vlerë, për sistemin plural. Vendi ynë ka nevojë edhe për disa dekada që të kemi një pluralizëm dhe ndryshime. Asnjëherë se mendojmë që është kodi zgjedhor që i pengon pra që të dalë në skenë personazhe të rinj. Tek e djathta jepet mundësia që të ketë parti të tjera ndërsa e majta pengon”, theksoi kreu i PDK-së./ B.A. – CNA.al





Lajmet e fundit nga