web counter
LEXO PA REKLAMA!

SHKARKO APP

App Store
Google Play

“U pa si shpëtimtar”/ Kulluri tregon gabimin që bëri Berisha

11 Tetor 2022, 13:58, Politikë CNA

“U pa si shpëtimtar”/ Kulluri tregon gabimin që bëri

Ish-anëtari i Këshillit Kombëtar të PD-së, Edvin Kulluri, ka komentuar situatën në PD dhe sjelljen e kreut të kësaj force politike, Sali Berisha.

Në një intervistë për "Euronews Albania", Kulluri u shpreh se gabimi që bëri kreu i PD-së, Sali Berisha, është se premtoi primare, por që nuk i bëri.

Sipas tij, Berisha, për shumë demokratë u pa si shpëtimtar i PD-së, por që kjo gjë nuk ndodhi.

“Berisha shihet si shpëtimtar nga shumë demokratë, por kjo nuk ndodhë. Berisha duhet të krijojë besim që të mos ndodhin. Nuk ishte më problem te Basha si individë, por te sjellja e liderit të opozitës dhe çdo politikani. Këtu Berisha bëri gabimin fatal, premtoi primare dhe nuk bëri”, theksoi Kulluri.

Kulluri ka nënvizuar se Berisha së bashku me ish-kreun e PD-së Lulzim Basha, janë përgjegjës për humbjen më 25 prill.

“Për vetë faktin se ka një pakicë bllokuese është një problem shumë i madh për Berishën. Faktori ndërkombëtar është ndikues në opinion bërje. Berisha erdhi si shpëtimtar i opozitës, por gabimi që bëri Berisha është konteksti dhe rrethanat janë krejt të ndryshme nga ’92, 2005 e 2009.

Harron që është i njëjti që me heshtjen, miratimin, mbështetjen e Lulzim Bashës, është bashkëpërgjegjës për atë që ndodhi më 25 prill. Problemi i Berishës nuk është vetëm me këtë pakicë, por ka një pjesë tjetër elektorati të PD-së që fajësojnë me të drejtë, Bashën e Berishës”, është shprehur Kulluri./CNA.al





Lajmet e fundit nga