web counter
LEXO PA REKLAMA!

SHKARKO APP

App Store
Google Play

E fundit!

x

Pse u tërhoq nga ligji “non grata”?/ Taulant Balla tregon arsyet

10 Tetor 2022, 21:05, Politikë CNA
Pse u tërhoq nga ligji “non grata”?/ Taulant Balla tregon
Kryetari i Grupit Parlamentar të PS, Taulant Balla

Nëse për çështjen e pastrimit të politikës nga spiunët e Sigurimit PS thotë se po punon par të gjetur një zgjidhje, për çështjen e largimit nga politika të personave të shpallur "non grata" nga SHBA, ka hequr dorë përfundimisht.

Taulant Balla, i cili e promovoi këtë ide gjatë verës dha shpjegimet ligjore në një intervistë për emisionin “Pa Censurë”.

“Vazhdoj ta them që është në turpin e Kuvendit të Shqipërisë që një ish-sekretar partie i shpallur 'non grata' për korrupsion dhe minim të demokracisë të vazhdojë të bëjë pis foltoren dhe sallën e parlamentit të Shqipërisë. Por, duke u nisur nga ligji i dekriminalizimit, është e pamundur që këtë çështje ta zgjidhësh me ligj, me pengesë ligjore. Juristët nuk e kanë gjetur një zgjidhje për këtë”, u shpreh ai.

Megjithatë, kreu i grupit parlamentar socialist ka një sfidë për opozitën.

“PD ka depozituar një propozim për Tom Doshin 3 vjet më parë. Do të ishte mirë ta ridepozitonte të njëjtën kërkesë tani si për zotin Doshi. Për mua si kundërshtar, ta mbajnë Saliun aty sa të kenë mundësi, se aty ku kanë do të vazhdojnë të jenë. Si qytetar i zakonshëm mendoj se Sali Berisha dëmton Shqipërinë”, theksoi Balla./ B.A. – CNA.al





Lajmet e fundit nga