web counter
LEXO PA REKLAMA!

SHKARKO APP

App Store
Google Play

Zgjedhjet vendore/ Alibeaj mandaton Bardhin për të kontaktuar me Sali Berishën

10 Tetor 2022, 15:22, Politikë CNA

Zgjedhjet vendore/ Alibeaj mandaton Bardhin për të kontaktuar me Sali

Pas mbledhjes duket se grupi përçarës i Enkelejd Alibeajt ka marrë vendimin për të bashkëpunuar me PD-në e Sali Berishës, në zgjedhjet vendore.

Alibeaj ka mandatuar Gazment Bardhin për të kontaktuar dhe për të hulumtuar çdo mundësi bashkëpunimi dhe daljes në zgjedhje lokale me një kandidat të vetëm të PD-së dhe opozitës.

“Pas diskutimeve në Grupin Parlamentar të Partisë Demokratike, deputetët në mënyrë unanime shprehën vullnetin e plotë dhe të sinqertë për të gjetur format e duhura të bashkëpunimit për zgjedhjet lokale fillimisht duke nisur me të gjithë Partinë Demokratike dhe me çdo faktor opozitar.

Në vlerësimin e Grupit Parlamentar të PD-së zgjidhje e vetme për t'u përballur me regjimin e Edi Ramës në zgjedhjet lokale është bashkimi i çdo zëri opozitar dhe përballja me një kandidat të vetëm të PD-së dhe opozitës në zgjedhje.

Me qëllim diskutimin e çdo mundësie të sinqertë për bashkëpunim, Grupi Parlamentar i Partisë Demokratike ka mandatuar zotin Gazment Bardhi për të kontaktuar dhe për të hulumtuar çdo mundësi bashkëpunimi dhe daljes në zgjedhje lokale me një kandidat të vetëm të PD-së dhe opozitës.

Grupi Parlamentar i PD-së shpreh gadishmërinë për të nisur që sot nga puna për të gjetur modalitetet e bashkëpunimit mes demokratëve në zgjedhjet lokale”, thuhet në deklaratë.





Lajmet e fundit nga