web counter
LEXO PA REKLAMA!

SHKARKO APP

App Store
Google Play

Grupi i Alibeajt bisedime me PD-në/ Ina Zhupa ngre hije dyshimi

10 Tetor 2022, 19:44, Politikë CNA

Grupi i Alibeajt bisedime me PD-në/ Ina Zhupa ngre hije dyshimi

Deputetja e Partisë Demokratike, Ina Zhupa ka shprehur se primaret janë mekanizmi i duhur për zgjedhjen e kandidatëve të përbashkët në zgjedhjet vendore të 2023.

Zhupa po ashtu theksoi se kandidati që fiton përmes mekanizmit të primareve duhet të pranohet nga pala tjetër, në mënyrë që të arrihet fitorje, e jo të zhvillohen primaret sa për sy e faqe, e në fund të prodhojnë më shumë konflikte.

“Është mekanizmi i votës, nëse nuk të votojnë demokratët, si mund të të votojnë shqiptarët. Një kandidat nga grupi i Berishës dhe një nga Alibeajt, jo vetëm një, ndoshta dhe 2, primaret e lejojnë këtë, duke qenë se kemi futur edhe mekanizmin e simpatizantëve, lejojnë të votojnë edhe opozitar pa teser partie. Të diskutojnë për modalitet, se si nëpërmjet primareve të kenë garanci që fituesi do dalë fituesi, që mos të thotë që nëse është kandidati që fiton Berisha të mërzitet pala tjetër, nëse futemi së bashkë të futemi me një platformë që të shkojmë deri në fund, jo sa për të larë gojën, duhet një kandidat i përbashkët për të arritur fitoren. (...) Nuk ka përplasje me partinë e Lirisë”, tha Zhupa.

Për deputeten demokrate, bisedimi mes palëve është zhvillim pozitiv, por koha do të jetë ajo që përcakton se sa e sinqertë është kërkesa e grupit të Alibejat për negicioatat.

 “Jemi vonë, për aq kohë sa duam të ngremë strukturat, pa asnjë Bashki, dhe koha është element i rëndësishëm. Për të parë nëse pala tjetër ka vullnet real, do jetë koha, nëse do sjellin idetë e tyre në kohë, nëse do presim të hënë tjetër të mblidhen prap, pastaj të hënën tjetër, do tregohet që nuk ka vullnet”, tha deputetja./CNA.al

 





Lajmet e fundit nga