web counter
LEXO PA REKLAMA!

SHKARKO APP

App Store
Google Play

E fundit!

x

Lubonja zbulon prapaskenat/ Pse e ‘uli kokën’ grupi i Alibeajt

10 Tetor 2022, 18:18, Politikë CNA
Lubonja zbulon prapaskenat/ Pse e ‘uli kokën’ grupi i Alibeajt
Analisti Fatos Lubonja

Analisti Fatos Lubonja analizoi zhvillimet në Partinë Demokratike, ku grupi përçarës i Enkelejd Alibeajt, pranoi të hyjë në bisedime me PD-në dhe caktoi Gazment Bardhin si negociator për zgjedhjet vendore.

Lubonja zbuloi në rubrikën “Opinion” arsyen që e ka shtyrë grupin e Alibeajt që “të ulë kokën”.

Analisti tha se Alibeaj e ndjen se nxjerrja e kandidatëve të vet është vetvrasëse dhe sipas tij, kjo e ka bërë të hyjë në negociata me Sali Berishën.

“Gjithçka do rezultojë nga takimet mes palëve brenda PD, është qasje pozitive të mos vendosen kushte, por është e vështirë të ketë kompromis pa kushte. Në mos kushte duhen lëshime që të arrihet kompromisi. Një kusht mund të jetë pranimi i të gjithëve përveç Bashës, ose bashkimi pa Berishën, këto mund të jenë kushte. Këto kushte duhen evituar, por jo duke e përçarë. Tensioni mes tyre është i ndërtuar nga këto përjashtime. Këto duhen evituar në të mirë të një interesi të përbashkët të opozitës.

Alibeaj e ndjen se nxjerrja e kandidatëve të vet është vetvrasëse. Do marrë rolin që të fitojë Rama në fund, por shumica nuk është dakord. Të dyja palët duhet të heqin dorë nga disa kushte dhe gjuha e përjashtimit e ofendimit që është përdorur shpesh mes palëve. Një nga mbështetjet e këtij grupimi që përfaqëson Alibeaj është edhe ambasadat, por nëse këto bëhen me regji nuk është mire”, u shpreh ai./ B.A. – CNA.al





Lajmet e fundit nga