web counter
LEXO PA REKLAMA!

SHKARKO APP

App Store
Google Play

E fundit!

x

Thirrjet e opozitës për protesta/ Taulant Balla ironizon Berishën dhe Metën

10 Tetor 2022, 21:12, Politikë CNA
Thirrjet e opozitës për protesta/ Taulant Balla ironizon Berishën
Kryetari i grupit parlamentar të PS-së, Taulant Balla

Kryetari i grupit parlamentar të PS-së, Taulant Balla, nuk beson se shqiptarët do të përdoren nga opozita për protestat e saj antiqeveritare.

Balla tha se është i vetëdijshëm se ajo që e quan “inflacion i luftës” për shkak të luftës në Ukrainë, ka goditur shqiptarët, por beson fort se masat e marra nga qeveria për të mbrojtur qytetarët janë më të forta se thirrjet e opozitës për protesta.

“Shqipëria po përballet me inflacionin e luftës. Vëmendja jonë është te familjet që po vuajnë çmimet e larta. Ne jemi vend importues drithrash, energjie elektrike, ushqimesh. Qeveria ka arritur që me këtë buxhet që ka Shqipëria, të ruajë të paprekur çmimin e energjisë elektrike. Këtu, si në të gjithë Evropën dhe në SHBA, po luftohet me inflacionin, jo me bomba. Shpërthimi i kësaj bombe është tek çmimet. Luftrat duan solidaritet. Pastaj, se ka elementë të caktuar që luftën duan ta përdorin për instrumentin e tyre politik si shpresa e vetme për të fituar kredibilitet politik, le ta bëjnë. Kush mendon se do të marrë shqiptarët mish për top për hallin e vet që i ka rënë, se nuk ka hall më të madh se ky i Berishës, nuk besoj se shqiptarët mund të mashtrohen nga binomi mes Sali Berishës dhe Ilir Metës”, u shpreh Balla.

Ai u tregua i sigurtë se qeveria do të ndërhyjë edhe për mosrritjen e çmimit të druve të zjarrit përpara ardhjes së dimrit./ CNA.al





Lajmet e fundit nga