E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

“Nuk duhet të merremi me Berishën për zgjedhjet lokale”/ Mziu: Nëse ka vullnet do të dalim me një listë

11 Tetor 2022, 13:05, Politikë CNA

“Nuk duhet të merremi me Berishën për zgjedhjet

Deputeti i Partisë Demokratike, Xhelal Mziu, ka komentuar deklaratën e ambasadores amerikane Yuri Kim, e cila shkruan se është në dijeni të disa përpjekjeve për të joshur apo frikësuar gjyqtarët dhe prokurorët, në mënyrë që të mos ketë ndëshkime për më të fuqishmit.

Sipas Mziut, ky reagim i ambasadores është një alarm për Rilindjen.

“Ka 10 vite që është në pushtet kjo maxhorancë, dhe nuk besoj që sistemi i drejtësisë mund të vendoset në pozitë të vështirë nga opozita. Është një alarm për Rilindjen, për kryeministrin që jo pak herë e vendos para përgjegjësisë sistemin e drejtësisë”, u shpreh Mziu.

Në një intervistë për "Euronews Albania", Mziu ka folur edhe për situatën në PD.

Sipas tij, pakënaqësitë brenda PD-së janë shumë të mëdha, por para kundërshtarit politik duhet të bëhen bashkë.

“Pakënaqësitë brenda PD-së janë të mëdha dhe në bazë, por unë besoj që kur vjen momenti për t’u përballur me kundërshtarin politik, i tejkalojnë këto ndasi të brendshme. Nuk ka kohë për të bërë eksperimente dhe për të mbajtur inate. Secili, duke filluar nga qendra deri në bazë, duhet të gjejë modalitetin. Duhet të ishte zgjidhje e mirë bashkimi i PD-së, heqja dorë nga ankimimet”, u shpreh Mziu.

Ndër të tjera, Mziu ka thënë se PD duhet të dalë me listë të përbashkët dhe se të dyja grupimet në këtë forcë politike duhet të kenë vullnet për bashkëpunim, në mënyrë që të dalin me një listë të përbashkët për zgjedhjet e ardhshme vendore.

“Nuk besoj që në zgjedhjet lokale ne duhet të merremi me zotin Berisha. Sidoqoftë, zoti Berisha deri në këto momente ka treguar që ka një mazhorancë edhe brenda PD-së. U konfirmua më 6 mars.

Unë them dhe ngelem shpresëplotë, që të dyja grupet e Partisë Demokratike do të fokusohen për të ndërhyrë te personat që kanë aksionet politike apo publike në atë zonë. Nëse ka një vullnet të mirë, do të përfitojmë një listë që jo vetëm do t’i unifikojë demokratët për të qenë të bashkuar, por edhe për të dalë përtej opozitës”, theksoi ai.