web counter
LEXO PA REKLAMA!

SHKARKO APP

App Store
Google Play

E fundit!

x

Amnistia fiskale/ Balla, i bindur: Do të bëhet!

10 Tetor 2022, 21:28, Politikë CNA
Amnistia fiskale/ Balla, i bindur: Do të bëhet!
Kryetari i grupit parlamentar të PS, Taulant Balla

Kryetari i grupit parlamentar të PS-së, Taulant Balla, deklaroi krejt i sigurt se amnistia fiskale do të bëhet, pavarësisht kritikave të vendeve anëtare të BE, SHBA dhe FMN.

Por ajo që mbetet e paqartë është se ku do t’i gjejë PS 84 vota për të kaluar në parlament ligjin e amnistisë fiskale.

Nga votimet e deritanishme, është verifikuar se ajo ka 77 vota, bashkë me 3 deputetët e PSD-së së Tom Doshit.

Pjesë e intervistës në emisionin “Pa Censurë”:

Taulant Balla: Me gishta numërohen vendet e BE që nuk kanë bërë amnisti fiskale. Ajo që duhet kuptuar është se amnistia fiskale do të bëhet.

Elona Meço: Me çfarë votash? Ilir Metën s’e keni më.

Taulant Balla: Po flas për deputetët e Kuvendit të Shqipërisë që kanë mundësi të degjojnë qytetarët e zonave të tyre respektive. Amnistia ka një mbështetje që shkon në 2/3. Biem dakord që në ekonominë e vendit tonë ka një shumë të madhe parash që lëviz në mënyrë informale dhe për t’u ndarë nga ky tranzicion, na duhet ta bëjmë.

Elona Meço: Po, por me çfarë votash?

Taulant Balla: Deputetët e opozitës duhet të dalin përtej urdhrave politikë, t’i përgjigjen nevojave që ka sot ekonomia e vendit për të hedhur një hap të rëndësishëm drejt një formalizimi më të madh të ekonomisë duke siguruar një të ardhur shtesë për vendin në këtë situatë të vështirë.

Elona Meço: Opozita është deklaruar absolutisht kundër amnistisë fiskale. Ndoshta ju i referoheni aleatëve të PD. I keni siguruar atje votat?

Taulant Balla: Me habit kjo histori. Ju i paskeni pyetur atëherë.

Elona Meço: Jo, por po përpiqem të kuptoj ku do t’i gjeni votat që nuk keni. Siç i gjeti Berisha votat për presidentin në 2007-ën mes PS-së?

Taulant Balla: Besoj se kjo nuk duhet parë si një qasje politike, por si një nevojë kombëtare./ CNA.al





Lajmet e fundit nga