web counter
LEXO PA REKLAMA!

SHKARKO APP

App Store
Google Play

“Ulja në tavolinë nuk do të ketë rezultat”/ Baçi: Alibeaj, Bardhi dhe Basha të tërheqin ankimimin në gjykatë

11 Tetor 2022, 17:23, Politikë CNA
“Ulja në tavolinë nuk do të ketë rezultat”/
Deputeti Luan Baçi

Deputeti demokrat, Luan Baçi, gjatë një interviste në "Euronews", ka treguar hapur dyshimet e tij në lidhje me bashkëpunimin mes grupit përçarës të Enkelejd Alibeajt dhe PD zyrtare të Sali Berishës.

Baçi shprehet se në deklaratat e Gazment Bardhit ka një lojë fjalësh, ndërsa shprehet se nuk mendon se do të ketë ndonjë rezultat ulja në tavolinë me grupin e Alibeajt.

Sipas tij veprimi i menjëhershëm që deputeti Enkelejd Alibeaj, Gazment Bardhi dhe ish-kryetari Lulzim Basha është të tërheqin ankimimin në gjykatë.

“Ka një fakt, diskutime gjithnjë ka pasur. Diskutime ka pasur me deputetë të ndryshëm, negocime, në fund jemi miq e kolegë me njëri-tjetrin. Duhet të gjejmë një zgjidhje të përbashkët për PD.

Jam shumë skeptik se zgjidhja do të vijë se, do të vijë i mandatuar Gaz Bardhi. Kjo nuk jep zgjidhje tavolinash me mandatime. PD i ka të ngritura institucionet.

Edhe Alibeaj, Bardhi dhe Basha janë pjesë. Pjesëmarrja në Këshillin Kombëtar është hapi i thjesht për të zgjidhur problemin.

Bardhi nuk e di në emër të kujt do të flasë, se është thjesht deputet.

Gaz Bardhi mua personalisht nuk më pëlqen kur thotë se deputeti Berisha ka mandatuar Flamur Nokën, se Berisha është kreu i PD-së.

Nga fjala bëhet një lloj loje. Nuk janë të sinqertë para PD.

Nëse duan të hedhin poshtë atë që thuhet se PD është e përçarë atëherë merr pjesë në institucionet e zgjedhura.  Për mua kjo rrugë nuk jep rezultat.

Luajnë shumë me fjalë. Problemi është të zgjedhim kandidatin e përbashkët, se çfarë ndodh më pas nuk dihet. Kjo është hileja e tyre. Alibeaj, Basha dhe Bardhi duhet të bëjnë një veprim urgjent të tërheqin ankimimin në gjykatë. Ky është fakti i pamohueshëm”, është shprehur Baçi./ CNA.al





Lajmet e fundit nga