Deputeti i 362 votave i kërkon llogari Qeverisë/ Ngre pyetje për Portin e Durrësit

11 Tetor 2022, 18:34, Politikë CNA

Deputeti i 362 votave i kërkon llogari Qeverisë/ Ngre pyetje për

Deputeti Petrit Vasili

Deputeti i 362 votave, Petrit Vasili, i ka kërkuar sot Qeverisë llogari për projektin e Portit të Durrësit.

Në një status në rrjetet sociale, ai thotë se rreth dy muaj më parë i ka kërkuar Ministrisë së Infrastrukturës informacion për Portin e Durrësit dhe nuk ka marrë asnjë përgjigje.

Duke marrë shkas nga kjo, Vasili shtron disa pyetje për Qeverinë.

Statusi i plotë:

Afera e portit të Durrësit, Qeveria e tmerruar bllokon dhe i fshihet kërkesës zyrtare për informacion!

Që rreth dy muaj më parë i jam drejtuar me leter zyrtare Ministrise se Infrastruktures dhe Trasportit dhe per dijeni Edi Rames per te zbardhur te verteten e Portit te Durresit.

Asnje pergjigje nga Qeveria!

Çfare fshehin?

Pse kane kaq frike qe te pergjigjen?

Cila eshte e verteta per kete afere mostruoze?

Edhe sa kohe mendojne se mund te fshihen?

Qeveria ne menyre te fshehte, mafioze dhe pa asnje trasparence po perpiqet te rrembeje, kete aset strategjik te nje rendesie te jashtezakonshme kombetare siç eshte Porti i Durresit.

E kane te kote, e verteta do dale shume shpejt ne shesh dhe kot genjejne veten se keshtu ne heshtje dhe pa u ndjere do te rrembejne miliarda euro.

E verteta po del, kini mendjen...!

Ja pyetjet drejtuar Qeverise ne kerkesen time zyrtare:

A është dhënë statusi i investitorit strategjik?

Nëse po, cilës kompanie i është dhënë ky status?

Jeni shprehur publikisht se investitori do të jetë “Emaar Group” ndërkohë në memorandumin e firmosur nuk përmendet gjëkundi “Emaar Group” ?

Analiza financiare si detyrim ligjor për marrjen e statusit të investitorit strategjik nga cila kompani është paraqitur?

A parashikohet, që ashtu sikurse në rastin e inceneratorëve prona publike të mund të lihet kolateral në Bankat Shqiptare apo të huaja në funksion të marrjes së kredive nga kompanitë e përfshira në memorandum?

Cilat janë masat garantuese që Porti i Durrësit të mos sekuestrohet nga Bankat vendase apo të huaja për shkak të problemeve eventuale të kompanive huamarrëse?

Investimi detyron spostimin e Portit Tregtar aktual, cilat janë masat e marra që Dogana të funksionojë normalisht dhe kjo të mos ndikojë negativisht në realizimin e të ardhurave që lidhen me biznesin ashtu dhe për Buxhetin e Shtetit?

Cila është kosto e Portit të ri tregtar dhe sa është kohëzgjatja e realizimit të ndërtimit të këtij porti?

Në këtë periudhë të ndërmjetme pra të fillimit të ndërtimit të portit turistik nga njëra anë dhe Portit tregtare nga ana tjetër, ku do jetë vendodhja e funksionimit të Doganës portuale Durrës?

Ndërtimi i Portit të ri tregtar do të realizohet me fonde të buxhetit apo do kërkohet një tjetër borxh?

Cili është qëndrimi zyrtar i institucioneve të Bashkimit Evropian për këtë projekt?

Kërkojmë nga ju të na vihet në dispozicion i gjithë komunikimi zyrtare me Bashkimin Europian për këtë projekt.

P.S. Më poshte Dokumenti zyrtar i kërkesës së informacionit./ B.A. - CNA.al