web counter
LEXO PA REKLAMA!

SHKARKO APP

App Store
Google Play

E fundit!

x

Raporti i Dick Marty-t/ Rama ashpërson tonet në KiE: Çfarë e ndaloi një prokurore të hetojë

12 Tetor 2022, 16:17, Politikë CNA
Raporti i Dick Marty-t/ Rama ashpërson tonet në KiE: Çfarë
Kryeministri Edi Rama

Kryeministri Edi Rama ka ashpërsuar tonet për raportin e Dick Marty-t, gjatë fjalimit të tij në Asamblenë Parlamentare të Këshillit të Europës.

Rama e cilësoi raportin si lajmin më të tmerrshëm të shpërndarë ndonjëherë.

Kreu i qeverisë deklaroi se të njëjtat institucione ndërkombëtare që i dhanë Kosovës të drejtën e lirisë dhe dinjitetit, minuan vetë veprimet e tyre.

Ai shtroi pyetjen se çfarë e ndaloi një prokurore të hetojë më tej.

“Britma e Kosovës nuk mund të shpërfillej më. Valët biblike që i iknin kasaphanës vunë në lëvizje botën, ndërhyrja e parë e NATO-s njohu luftën që solli më pas pavarësinë e vendit. Drejtësia u vu në vend, mund të niste pajtimi, ose të paktën kështu dukej. Lufta në Kosovë nuk ishte një luftë e zakonshme, por një shfaqje e përgjakshme, ishte një thirrje e dëshpëruar. Perëndimi u ngrit në lartësinë e sfidës, jo shumë më pas busulla e europës humbi në këtë ndërtesë. Të njëjtat institucione ndërkombëtare që i dhanë Kosovës të drejtën e lirisë dhe dinjitetit, minuan vetë veprimet e tyre, vetë parimet e tyre, jo vetëm përfunduan duke vënë në pikëpyetje itegritetin e Kosovës, por me veprimet e tyre presupozuan se kurrë nuk kishin pasur një të tillë. 

Akuzat u mohuan. U pyet se çfarë e ndaloi një prokurore të hetojë më tej? Hetimet e saj për çështjet kishin dalë me rezultate jo bindëse për të thënë më të pakëta. Si vijuan këto akuza, nuk do angazhohem në spekulime. 

Raporti përmendte me emër drejtues të lartë të UÇK dhe i akuzonte për krime të tmerrshme, përfshirë edhe trafikim organesh. Ai raport nuk provoi asnjë nga akuzat. Edhe delegacioni shqiptar i atëhershëm nuk e pengoi këtë, edhe pse nuk pati asnjë gjë pro nga ato që autorët e raportit pretendonin.

Unë jam këtu sot jo sepse ne nuk e dinim që ky është lajmi më i tmerrshëm i shpërndarë ndonjëherë, i shpërndarë këtë herë  nga Këshilli i Evropës por pritëm me durim  për të parë akuzën zyrtare.

Janë pretendimet tërësisht të pavërtetuara të një ish-kryeprokurore në kërkim të shitjeve të mëdha të librit të saj çoi në një mocion e më pas në një raport që më pas i shndërrua në një rezolutë të kësaj Asambleje parlamentare që çoi më pas në krijimin e prokurorisë speciale që kërkon të dënojë drejtuesit e Ushtrisë Çlirimtare”, theksoi Rama./ B.A. – CNA.al





Lajmet e fundit nga