web counter
LEXO PA REKLAMA!

SHKARKO APP

App Store
Google Play

E fundit!

x

Berisha, takim me Këshilltarin e Berluskonit/ Zbardhet biseda, ja mesazhi kryesor

12 Tetor 2022, 16:16, Politikë CNA
Berisha, takim me Këshilltarin e Berluskonit/ Zbardhet biseda, ja mesazhi
Kreu i PD-së, Sali Berisha

Kreu i PD-së, Sali Berisha, ka zhvilluar një takim me Marco Marronen, Këshilltar të Presidentit të Forza Italia.

Berisha zbuloi bisedën me Marronen, duke thënë se rezultati zgjedhor në Itali parashtron një fillim të ri në bashkëpunimin mes PD-së dhe koalicionit qeverisës në Itali.

Kreu i PD-së, nënvizoi se bashkëpunimi mes dy vendeve mbetet i një rëndësie thelbësore në çdo dimension, ekonomik e social, politik, por në veçanti në drejtim të luftës kundër krimit të organizuar dhe forcimit të shtetit ligjor.

“Takim me Dr. Marco Marrone, Këshilltar i Presidentit të Forza Italia.

Rezultati zgjedhor në Itali parashtron një fillim të ri në bashkëpunimin mes PD dhe koalicionit qeverisës në Itali.

Ky ishte mesazhi kryesor nga takimi miqësor që pata kënaqësinë të zhvilloja me Dr. Marco Marrone, Këshilltar i Presidentit të Forza Italia, Z. Silvio Berlusconi, së bashku me Kryetarin e Degës Romë të PD, Z. Bardhok Doda.

Gjatë takimit i shpreha Z. Marrone urimet më të mira për rezultatin historik të arrirë nga Forza Italia dhe nga koalicioni i qëndrës së djathtë gjatë zgjedhjeve të 25 shtatorit, duke i uruar një fillim sa më të shpejtë e të suksesshëm ekipit të ri qeverisës.

Rikujtova gjithashtu se bashkëpunimi mes dy vendeve tona mbetet i një rëndësie thelbësore në çdo dimension, ekonomik e social, politik, por në veçanti në drejtim të luftës kundër krimit të organzuar dhe forcimit të shtetit ligjor.

Gjatë takimit, patëm mundësinë t'i përcillnim urimet tona dhe familjes Berlusconi nëpërmjet një komunikimi telefonik me Z. Paolo Berlusconi.

Gjej rastin të falenderoj Z. Marrone për përcjelljen nga ana e tij, të vlerësimit me çertifikatën e Honoris Causa ndaj meje të lëshuar nga Universiteti Ruggero II, liçencuar në Shtetin e Floridas në SHBA”, shkruan Berisha./ CNA.al





Lajmet e fundit nga