web counter
LEXO PA REKLAMA!

SHKARKO APP

App Store
Google Play

“I zhveshur” nga çdo post në strukturat e PD-së/ Agron Gjekmarkaj flet nga zyrat e Kuvendit në emër të selisë blu

12 Tetor 2022, 11:45, Politikë CNA

“I zhveshur” nga çdo post në strukturat e PD-së/

Në muajin mars 2022, nënkryetari i Partisë Demokratike, Agron Gjekmarkaj, ka dhënë dorëheqjen.

Në atë kohë Gjekmarkaj u shpreh se hiqte dorë nga postet drejtuese në PD dhe do të vijonte të ishte vetëm deputet i kësaj force.

“Komisioni të çojë PD-në në zgjedhje. Unë jap dorëheqjen nga funksionet e mia dhe mbetem deputet i thjeshtë”, mësohet të jetë shprehur Gjekmarkaj në mbledhje.

Por, kur kanë kaluar gati tetë muaj nga “zhveshja” e çdo posti në PD, përveçse me këtë logo është deputet, Gjekmarkaj vijon të mbajë postin e nënkryetarit të Kuvendit.

Nga ai post nuk ka lëvizur, madje vijon të bëjë takime zyrtare.

Sot ai ka hedhur në rrjete sociale foto me Ambasadorin e Republikes Federale Austriake Christian Steiner, duke shkruar edhe temat që kanë diskutuar.

Njëra nga temat ka të bëjë me zhvillimet në Partinë Demokratike, aty ku Gjekmarkaj nuk ka asnjë funksion në struktura.

“Takim mbresëlënës sot me Ambasadorin e Republikes Federale Austriake Christian Steiner.

Një bashkëbisedim konstruktiv e tejet miqësor mbi sfiden e madhe të shqiptarëve atë te integrimit europian si një finalizim i kahershem per kthimin e vendit tonë tek rrënjet dhe identiteti i vet historik.Austria ka qënë gjithmonë në anen e kombit tonë.

Ne i referohemi shpesh së kaluares po jo gjithmonë me të njëjten deshire.Kur kujtojmë lidhjet dhe ndihmen në shtetformimin tonë e po aq kontributin në dispilinat albanoligjike, emocionohemi me mirënjohje.

Zhvillimet në Partinë Demokratike, ishin po ashtu temë diskutimi mundësitë dhe format që duhen eksploruar për bashkimin e pjesëve të saj duke ruajtur,principet demokratike, fenomet legale,vlerat dhe aleancat me botën perendimore mbi të cilat ajo është themeluar. Nuk mund të ketë demokraci të fortë pa një opozitë të tillë. Po kaq e vura në dijeni shkelqesinë e tij për të gjitha perpjekjet që PD bën për reformat, sundimin e ligjit dhe standartet demokratike shpesh të rrezikuara”, shkruan Gjekmarkaj./CNA.al

“I zhveshur” nga çdo post në strukturat e PD-së/





Lajmet e fundit nga