web counter
LEXO PA REKLAMA!

SHKARKO APP

App Store
Google Play

Rama përmend Hashim Thaçin në Strasburg/ Një Josef K. i gjallë, i krijuar nga një lajm i rremë

12 Tetor 2022, 16:55, Politikë CNA

Rama përmend Hashim Thaçin në Strasburg/ Një Josef K. i

Gjatë fjalës në Asamblenë e Përgjithshme të Këshillit të Europës në Strasburg, kryeministri Edi Rama u ndal tek arrestimi i ish-Presidentit të Kosovës, Hashim Thaçi.

Rama tha se Thaçi është një Josef K. i gjallë, i krijuar nga një lajm i rremë.

“Shtëpia e verdhë fantazmë e gjeti rrugën deri këtu jo vetëm për të ngërthyer imagjinatën, por edhe votimin dhe sallën, shtëpi e gjithë europianëve. Nga ata që janë BE tek ata që kanë vetëm E e jo B.

Gjenerali juaj kërkoi një ushtri organesh që nuk ekzistonte. U krijuan Dhomat e Specializuara që çuan në arrestimin e ish-krerëve të UÇK-së. Imagjinoni liderin e vendin tuaj që merret nga zyra e tij dhe merret nën mbikqyrje e vihen nën arrest pa asnjë aktakuzë reale.

Do ishte e përshtatshme ta quanim Josef K si personazhi i Kafkës u arrestua nga një autoritet i largët. Thaçi dha dorëheqjen dhe e vuri veten në shërbim të drejtësisë së cilës i besonte sepse për të kishte vënë jetën në rrezik. Është ende atje një Josef K i gjallë i krijuar nga një lajm i rremë. Mos ma merrni për keq nuk jam këtu të vë në diskutim Dhomat Speciale apo procesin e rregullt gjyqësor, por të vë në dyshim burimin e neveritshëm e të diskutoj faktin që në aktakuzën që u paraqit një vit pasi Thaçi u burgos. Nuk ka as edhe një fjalë të vetme që përmend qartësisht apo me nënkupim trafikun e organeve. Është një çështje që nuk ekziston dhe kjo është pse jam këtu sot, sepse pritëm me durim nëse do të dilte diçka. Është një fantazi e fabrikuar në Kremlin dhe e kontrabanduar në kanalet e politikës ndërkombëtare dhe e sjellë në tempullin e të drejtave të njeriut.

E kuptoj simetrinë, rëndësinë e paanshmërisë, nevojën për të hetuar, gjërat kërkojnë kohë para se të merret vendim por në një pikë manovrat e vonesat e humbasin vlerën”, theksoi ai./ B.A. – CNA.al





Lajmet e fundit nga