web counter
LEXO PA REKLAMA!

SHKARKO APP

App Store
Google Play

E fundit!

x

Rama kujton “Shtëpinë e Verdhë”/ Është vend pa ujë, pa drita e pa rrugë

12 Tetor 2022, 16:38, Politikë CNA
Rama kujton “Shtëpinë e Verdhë”/ Është vend
Kryeministri Edi Rama

Kryeministri Edi Rama ka përmendur historinë e “Shtëpisë së verdhë”, ku raporti i Dick Marty-t pretendonte se kryhej trafikimi i organeve njerëzore.

Duke ftuar të pranishmit në Asamblenë Parlamentare të Këshillit të Evropës të shkojnë te “Shtëpia e Verdhë”, Rama tha se ai vend nuk është ashtu siç përshkruhet.

Kreu i qeverisë deklaroi se ajo ishte shtëpia e një familjeje të varfër shqiptare, që nuk kishte drita, ujë dhe as rrugë.

“Është një prej të shumtave në këto zona të thella, vetë fshati që ndodhet në një zonë shumë të largët në veri të Shqipërisë, që aso kohe ishte i izoluar nga rrugët, furnizimi me ujë të pijshëm dhe energji, nuk është vendi ideal për ndërhyje të këtij lloji si heqja e organeve. Ju kërkoj ndjesë që po ju ftoj në këtë përfytyrim, të heqësh organe në një vend pa ujë, pa drita e pa rrugë, e jo më pa pajisje të specializuar. Fshatarët u pyetën dhe u përgjigjën se kurrë nuk kishin dëgjuar të tilla gjëra, por edhe për heshtjen e tyre, fantazitë që u paraqitën këtu morën një përgjigje shkruhet se u referohen kërcënimeve. Fshatarët ishin kërcënuar nga UÇK dhe droga e prostitutat silleshin nga larg për të heshtur fshatarët. Në rrethana të zakonshme ngatërrimi i një fshati të vogël shqiptar me një rrugë dritash të kuqe në Europë të bën të qeshësh me naivitetin e atyre që e përpiluan. Por kjo nuk është për të qeshur që këto të rinj etiketohen si anëtarë të një grupi të rrezikshëm që trafikonin organe, shqiptarët etiketohen si inferiorë”, tha Rama./ B.A. - CNA.al





Lajmet e fundit nga