E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Enveristi i fundit, me skenare skutave

30 Tetor 2024, 13:52, Politikë CNA

Fatmir Xhafaj

Disa muaj më parë, CNA zbuloi planet për ngritjen e një komisioni të posaçëm parlamentar nga mazhoranca, në drejtimin e Fatmir Xhafajt.

Ky i fundit pretendonte se kishte marrë mbështetjen e ndërkombëtarëve për këtë komision, por kjo rezultoi një gënjeshtër. (LEXO KETU)

Xhafaj është braktisur nga të gjithë në tentativën e tij për të krijuar një komision, të kamufluar me reformën institucionale drejt integrimit, për të thirrur në Apel institucionet e pavarura.

6 institucione të drejtësisë refuzojnë kërkesën/ KLP pranon të shkojë në Komisionin "Xhafaj"
4 Tetor, 15:53

Ndërkombëtarët jo vetëm që nuk kanë shkuar në mbledhjet e tij, por kanë dalë me qëndrime publike, ku kanë theksuar se ky komision nuk duhet të bëhet pa opozitën dhe duhet të jetë transparent. Edhe institucionet e pavarura refuzuan njëra pas tjetrës kërkesën për të shkuar në komision.

Edhe pas të gjitha këtyre, Xhafaj duket se po vijon planet e tij dhe kësaj radhe me mbledhje të panjoftuara, pa kamerat e mediave.

Në disa foto të shpërndara nga Kuvendi, shihet se takimi është mbajtur në një dhomë te godina ku mbahen seancat plenare.

Në njoftimin e Kuvendit thuhet se: “Sekretariati Teknik informoi mbi draft Dokumentin Analitik (jo përfundimtar) të përgatitur nga Grupi i Ekspertëve të Nivelit të Lartë, i cili përmban një draft të analizës së situatës aktuale në të 3 fushat objekt i punës së komisionit: I)Mirëqëverisja, II)Antikorrupsioni dhe III)Sundimi i Ligjit”.

Për këtë draft-dokument nuk ka shumë informacione, ndonëse pretendohet se bazohet në rekomandimet e shprehura në Raportet e BE-së, apo në raportet dhe dokumentet e tjera zyrtare vendase dhe ndërkombëtare.

Gjithashtu, bëhet me dije se Xhafaj me 99-çat kanë marrë shpejt e shpejt një sërë vendimesh, pa transparencë.

Vendimi i parë lidhet me miratimin e hapave për organizimin e procesit të konsultimit publik, sipas masave të propozuara nga Grupi i Ekspertëve të Nivelit të Lartë dhe Sekretariatit Teknik, ku përfshihet: I)organizimi i tryezave tematike publike, II)forumeve të dialogut qytetar me fokus çështjet e ndjeshme për qytetarët; III) konsultimeve me grupet e interesit, përfshi edhe institucionet shtetërore dhe agjencitë ekzekutive ligjzbatuese; si dhe IV) konsultimi i draftit të Dokumentit Analitik me ekspertë e konsulentë ndërkombëtarë për të marrë vlerësimet e komentet e tyre lidhur me përputhshmërinë me standardet ndërkombëtare, si dhe reflektuar përvojat më të mira ndërkombëtare në këto fusha.

Vendimi i dytë lidhet me miratimin e ndryshimeve në përbërjen e Grupit të Ekspertëve të Nivelit të Lartë.

Vendimi i tretë lidhet me miratimin e listës së ekspertëve dhe konsulentëve të jashtëm ndërkombëtarë, të cilët do të atashohen pranë Komisionit, për të mbështetur dhe kontribuar në përmbushje të objektit të veprimtarisë së komisionit të posaçëm.

Për këto vendime të marra fshehurazi, pa praninë e mediave, dihet shumë pak. Komisioni “Xhafaj” jo vetëm që nuk po bën transparencë, siç kërkuan edhe ndërkombëtarët, por po fshihet “skutave”.

Vendimet e marra në fshehtësi hedhin edhe më tepër dyshime mbi skenarin e Xhafajt, enveristit të fundit që ka nisur një “luftë” kundër institucioneve të pavarura./ CNA