web counter
LEXO PA REKLAMA!

SHKARKO APP

App Store
Google Play

E fundit!

x

“Bashkia po shpërbëhet”/ Këlliçi: Nesër në protestë, kryehajduti duhet çuar para drejtësisë

30 Tetor 2024, 11:53, Politikë CNA

“Bashkia po shpërbëhet”/ Këlliçi: Nesër

Drejtuesi politik i PD-së për Tiranën, Belind Këlliçi, u ka bërë thirrje të gjithë qytetarëve që të bashkohen nesër në protestën e 31-të para Bashkisë së Tiranës, në orën 11:00 kundër Erion Veliajt.

Këlliçi thekson se duzina e drejtorëve hajdutë të shkarkuar nga kreu i "5D", Erion Veliaj, tregon se Bashkia e Tiranës po shpërbëhet.

Ai ka nënvizuar se godina e Bashkisë Tiranë është kthyer në selinë e biznesit të pronarit faktik të inceneratorit Tiranë, i cili vijon të vjedhë paratë e taksapaguesve të kryeqytetit çdo ditë që qëndron në zyrë, ndaj Veliaj duhet çuar para drejtësisë me çdo kusht.

“Miqtë e mi, nesër e enjte, datë 31 tetor, ora 11:00, takohemi sërish në protestë.

Duzina e drejtorëve hajdutë të shkarkuar javën e shkuar nga kreu i 5D, është tregues i qartë se tashmë institucioni më i korruptuar në Europë po shpërbëhet!

Godina e Bashkisë Tiranë, sot është kthyer në selinë e biznesit të pronarit faktik të Inceneratorit Tiranë, i cili vijon të vjedhë paratë e taksapaguesve të kryeqytetit çdo ditë që qëndron në zyrë.

Kryehajduti Veliaj duhet çuar para drejtësisë me çdo kusht! Vjedhja e taksave të qytetarëve dhe krimi elektoral duhen ndëshkuar në mënyrë shëmbullore.

Kolegët e Erionit në SPAK ta harrojnë se mund të vazhdojnë të jenë mburojë e një hajduti banal!

O sot, o kurrë”, shkruan Këlliçi në një postim në rrjetet sociale ku ka bërë thirrje që qytetarët të bashkohen në protestën e ditës së nesërme para Bashkisë së Tiranës./ CNA





Lajmet e fundit nga