web counter
LEXO PA REKLAMA!

SHKARKO APP

App Store
Google Play

Qeveri teknike?/ Kristaq Kume, spektik: Nuk arrihet

29 Tetor 2024, 22:44, Politikë CNA
Qeveri teknike?/ Kristaq Kume, spektik: Nuk arrihet
Ish-kreu i KQZ-së, Kristaq Kume

Ish-kreu i KQZ-së, Kristaq Kume, ka folur mbrëmjen e sotme për kërkesën e qeverisë për qeveri teknike.

Kume u shpreh spektik për krijimin e një qeverie teknike, duke thënë se marrëveshja e vitit 2017 nuk mund të përsëritet më.

Ai deklaroi në emisionin “Quo Vadis” se qeveria teknike nuk mund të arritet edhe me afatet ligjore.

“Në vendet përreth nesh të cilat shpesh merren si shembull, e kanë për zakon në legjislacionin e tyre. Ne nuk e kemi një gjë të tillë. Marrëveshja politike te ne është shpesh herë më e fortë se sa legjislacioni. Nëse ti arrin një dakordësi të tillë, nga mazhoranca, pasi është dekretuar data e zgjedhjeve, zor se mund të arrish të bësh diçka ndryshe se sa ajo zgjidhje që bërë në 2017 që nuk ishte një qeveri teknike, por ishte bashkëqeverisje. Nuk përsëritet më. Nuk mund të bëhet ajo që është bërë në 2017. Duan një qeveri që të mos ketë njerëz nga politika, duhet të jenë teknicienë që të kenë të parën dhe të fundit si detyrë përgatitjen e zgjedhjeve.

Përgatitja e zgjedhjeve do të thotë që të mos bëhet ajo që mund të bëjë mazhornaca në favor të saj me fenome të cilat ne i dimë se janë dhe i kemi ndeshur, si punësimet elektorale etj. Për mua shumë rëndësi ka ndërtimi i një qeverie të tillë të bëhet tani. Nëse bëhet më vonë, ka pak vlerë. A mund të arrihet? Unë mendoj se jo. Është shumë e vështirë që Rama të lëshojë qeverinë dhe të thotë “po”. Duke iu referuar gjithë situatës politike që ne kemi është shumë e vështirë të kemi këtë zgjidhje, e cila për mua nuk është zgjidhje e  keqe. Qeveria teknike do të ketë detyrë vetëm organizmin e procesit zgjedhor pa pasur emocionin e ngarës dhe ngarkesën politike. Në aksionin e opozitës shoh një progres, në mënyrën se si po e konkretizon veprimin e saj politik. Ne si shoqëri na mungon nervi që të reagojmë vetë, të bëjmë atë që quhet “mosbindje civile”, i mbetet partive, në këtë rast, partive të opozitës, për ta nxitur. Por nëse nuk arrijnë ta realizojnë këtë gjë, pra mosbindjen civile, zor se mund të arrijnë ndonjë gjë”, theksoi ish-kreu i KQZ-së./ CNA





Lajmet e fundit nga