web counter
LEXO PA REKLAMA!

SHKARKO APP

App Store
Google Play

E fundit!

x

Kaso, mesazh policisë/ "Tregoni të njëjtin zell edhe kur Rama bllokon rrugët"

29 Tetor 2024, 17:45, Politikë CNA
Kaso, mesazh policisë/ "Tregoni të njëjtin zell edhe kur
Drejtuesi politik i PD-së për Qarkun e Korçës, Ivi Kaso

Drejtuesi politik i PD-së për Qarkun e Korçës, Ivi Kaso, nga protesta në rrethrrotullimin e Bradasheshit i është drejtuar me një mesazh policisë.

Kaso tha se nuk ka asnjë dyshim që policia do të procedojë organizatorët e protestës dhe qytetarëve.

Megjithatë, ai kërkoi që blutë të tregonin të njëjtin zell sa herë që ka bllokime të rrugëve për aktivitetet e organizuara nga kryeministri Edi Rama.

“Edhe në rrethrrotullimin e Bradasheshit, nisi etapa e mosbindjes civile që ka të bëjë me bllokimin e qarkullimit në akset kryesore rrugore. Jemi treguar të kujdesshëm që, pavarësisht kësaj mënyre jo shumë të zakontë proteste, të lajmëronim qytetarët që të merrnin masa për të qarkulluar paraprakisht. Besoj që në një pjesë të madhe kjo është arritur. Kërkojmë mirëkuptimin e qytetarëve për të gjithë opozitarët që janë të vendosur për të përfunduar në mënyrë qytetare këtë bllokadë. Shpresoj që deri në përfundim të kësaj proteste, jo më para se ora 20:00, të mos shënohen përplasje. Deri tani konstatojmë se policia ka marrë masa për të devijuar në akse të tjera trafikun. Policia do të procedojë penalisht organizatorë dhe qytetarë, nuk kemi dyshim. E ka bërë këtë në çdo protestë. Do të donim që Policia e Shtetit të tregonte të njëjtin zell sa herë që kryeministri për çdo aheng vendos të bllokojë qarkullimin normal”, theksoi Kaso./ CNA





Lajmet e fundit nga