web counter
LEXO PA REKLAMA!

SHKARKO APP

App Store
Google Play

E fundit!

x

Skema e pensioneve/ Rama-bizneseve: Plani është agresiv, do t'u qepemi si hajdutëve të energjisë

29 Tetor 2024, 14:12, Politikë CNA

Skema e pensioneve/ Rama-bizneseve: Plani është agresiv, do t'u

Kryeminsitri Edi Rama ka folur sërish për planin e qeverisë për skemën e pensioneve.

Gjatë një takimi me pensionistët në Fier, Rama është shprehur se plani është shumë agresiv dhe do t'u qepen kompanive që nuk deklarojnë pagat reale si hajdutëve të energjisë elektrike.

“Kemi bërë plan agresiv për të frenuar vjedhjen e pensioneve nga sipërmarrjet, por edhe nga ata që janë punëmarrës dhe që pranojnë të marrin në dorë paratë të cilat na bëjnë dëm dyfish. E para duke i thënë punëdhënësi punëmarrësit, po të jap 500 euro me bankë dhe 200 të tjera në dorë dhe kështu i ke komplet për vete dhe nuk paguan taksa. Ato janë një financim që ti e bën sot që të dalë pensioni ndryshe nesër. Do ndërhyjmë fort kundër kësaj vjedhjeje, se duhet ta rrisim volumin e të ardhurave. Një kompani ndërtimi deklaron paga 500 mijë lekë të vjetër, e dimë që nuk ekziston. Do ndërhyjmë, ua kemi bërë të qartë kompanive dhe të gjithë atyre që janë punëdhënës. Kjo është grabitje dhe ne do t’u qepemi mbrapa të gjitha kompanive për t’i marrë pjesën që u takon pensionistëve njësoj siç iu qepëm atyre që vidhnin energjinë elektrike, ose e merrnin nga rruga dhe nuk e paguanin. Kjo nuk mund të funksionojë”, ka deklaruar Rama./ CNA





Lajmet e fundit nga