web counter
LEXO PA REKLAMA!

SHKARKO APP

App Store
Google Play

“Më dha garanci të rreme”/ Meta i hedh fajin Kryemadhit për shpenzimet mjekësore

28 Tetor 2024, 18:02, Politikë CNA
“Më dha garanci të rreme”/ Meta i hedh fajin Kryemadhit
Fotomontazh - Ilir Meta dhe Monika Kryemadhi

Kryetari i Partisë së Lirisë, Ilir Meta, fajëson ish-bashkëshorten Monika Kryemadhi, lidhur me akuzat e ngritura nga SPAK-u për shpenzimet shëndetësore.

Në një reagim nga burgu, Meta thotë se çdo qindarkë e ka deklaruar sipas ligjit, por Kryemadhi e ka gënjyer për shpenzimet shëndetësore.

Ai pretendon se ish-bashkëshortja i ka dhënë garanci të pavërteta.

“Përfundimisht më duhet të deklaroj shkurt se në gjithë pretendimet që ngre SPAK-u për hetimet 20-vjeçare ndaj meje, ka vetëm dy raste që më duhet të sqaroj.

Mosdeklarimi sipas tyre i shpenzimeve të mia shëndetësore në vitin 2013 në Vjenë prej 7341 Euro.

Dhe në Nëntor 2014, shuma prej 7984 Euro në klinikën, Austri.

Pra bëhet fjalë vetëm për 15 mijë Euro total në 20 vite hetime.

Më duhet të sqaroj se kjo ka ardhur për shkak të garancive (të pavërteta) nga ish-bashkëshortja ime se çdo gjë ishte paguar, e deklaruar sipas ligjit.

Pastaj çdo gjë tjetër ishte vetëm një makinacion për të më veshur mua përgjegjësi që nuk më takojnë pasi me procesin e deklarimit të pasurisë apo shpenzimeve shëndetësore dhe mjekësore merrej ish-gruaja ime në mirëbesim të plotë duke patur edhe avokatin dhe noteren për këto çështje, por edhe shumicën e pronave”, thekson kreu i PL-së./ CNA





Lajmet e fundit nga