E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Meta në burg, Kryemadhi për shpenzimet mjekësore: Nuk ka asnjë operacion plastik

22 Tetor 2024, 09:31, Aktualitet CNA

Meta në burg, Kryemadhi për shpenzimet mjekësore: Nuk ka

Ilir Meta dhe Monika Kryemadhi

Deputetja e Partisë së Lirisë, Monika Kryemadhi, ndaj së cilës është vendosur masa detyrim me paraqitje pas hetimeve nga SPAK, ka reaguar sërish në lidhje me akuzat për shpenzime marramendëse për operacionet plastike.

Teksa në emisionin "Opinion" diskutohej për arrestimin e kreut të PL-së, Ilir Meta, Kryemadhi i ka dërguar një mesazh gazetarit Blendi Fevziu duke thënë se nuk ka asnjë operacion plastik dhe se fatura për të cilën u fol është për të gjithë familjen për 7 vite.

Sipas Kryemadhit bëhet fjalë për dy operacione në vite të ndryshme, në 2013-ën 7 mijë euro, të tjerat janë të gjitha mjekime në 7 vjet për një kancer në qafën e mitrës.

“Kam një mesazh nga zonja Kryemadhi, e cila më thotë: 'Nuk ka asnjë operacion plastik dhe fatura për të cilën u fol është për të gjithë familjen për 7 vjet. 2 operacionet në vite të ndryshme, në 2013-ën 7 mijë euro, të tjerat janë të gjitha mjekime të miat në 7 vjet për një kancer në qafën e mitrës'”, ka lexuar Fevziu.

Nga ana tjetër, SPAK në njoftimin zyrtar thekson se: Nga hetimi ka rezultuar se shtetasit I.M. dhe M.K. nuk kanë deklaruar shpenzimet mjekësore të kryera gjatë periudhës 2013-2019, në vlerën totale prej 106.125 eurosh. Nga këto shpenzime, 86.891 euro janë paguar në cash. Hetimet kanë zbuluar se në deklaratën e Interesave Private Vjetore për vitin 2019, të dorëzuar në ILDKPKI më 29 maj 2020, këta subjekte nuk kanë deklaruar shpenzimet shëndetësore në vlerën prej 9.000 eurosh të kryera në një klinikë private jashtë vendit si dhe dhe shumën 100.000 euro në llogarinë bankare dyemërore, të cilat i përkasin E.M. dhe F. K. Subjektet I.M. dhe M. K. dyshohet se kanë konsumuar veprën penale “Refuzimi për deklarim, mosdeklarimi, fshehja dhe deklarimi i rremë i pasurive, interesave private të personave të zgjedhur dhe nëpunësve publikë” parashikuar nga neni 275/a të Kodit Penal./ CNA