web counter
LEXO PA REKLAMA!

SHKARKO APP

App Store
Google Play

E fundit!

x

Apartamenti në ish-Bllok/ SPAK: Paratë rrjedhin nga aktiviteti i paligjshëm i Metës dhe Kryemadhit

21 Tetor 2024, 19:28, Aktualitet CNA
Apartamenti në ish-Bllok/ SPAK: Paratë rrjedhin nga aktiviteti i
Ilir Meta dhe Monika Kryemadhi

SPAK ka renditur akuzat që rëndojnë mbi kreun e PL-së, Ilir Meta dhe ish-bashkëshorten Monika Kryemadhi, mes të cilave është edhe blerja e një apartamenti.

Në njoftimin e bërë publik mbrëmjen e sotme thuhet se Meta, Kryemadhi dhe ish-vjehrra e kreut të PL-së, Fatime Kryemadhi kanë blerë një apartament duplex në “ish-Bllok”, në vitet 2009-2010.

Prokuroria e Posaçme deklaron se ky apartament është deklaruar i blerë me kredi bankare, por paratë janë derdhur cash në systemin bankar.

SPAK ka dyshime se paratë rrjedhin nga aktiviteti i paligjshëm i Metës dhe Kryemadhit dhe kredia bankare është përdorur si mbulesë për të futur në sistemin bankar shuma të konsiderueshme monetare. 

“Për peridhën 2009-2010, nga ana e personave nën hetim, I. M., M. K. dhe F. K., është blerë, një apartament dublex me vendndodhje në zonën e njohur si “ish bllok”, i deklaruar si i finacuar me kredi bankare. Nga hetimi ka rezultuar se shuma prej 310,000 Euro që kanë shërbyer për blerjen e katit të parë të dublex, janë derdhur Cash në sistemin bankar nga F. K., dhe shuma 335,000 Euro e marrë kredi nga F. K., është shlyer gjithashtu me para të depozituara në bankë të nivelit të dytë në Republikën e Shqipërisë, në Mars-Nëntor 2010. Këto para dyshohet se kanë origjinën nga aktiviteti i paligjshëm i shtetasve I.M. dhe M.K. si dhe kredia bankare është përdorur si mbulesë dhe mënyrë për të futur në sistemin bankar shuma të konsiderueshme monetare”, nënvizon Prokuroria e Posaçme./ CNA





13:10 Aktualitet

Arrestohet Ilir Meta

Kreu i Partisë së Lirisë, Ilir Meta, është arrestuar. Arr...

Lajmet e fundit nga