E fundit!

12:01 Aktualitet

“Jam një i vdekur që ecën”/ Zbardhet dëshmia e Pëllumb Gjokës në GJKKO për dosjen “Metamorfoza”

Këtë të enjte ka dëshmuar në Gjykatën e Posaçme një nga sh...

Arrestimi i Metës/ Policia: Kreu i PL-së kundërshtoi dhe ofendoi agjentët

21 Tetor 2024, 17:46, Aktualitet CNA

Arrestimi i Metës/ Policia: Kreu i PL-së kundërshtoi dhe ofendoi

Policia ka dalë me një reagim në lidhje me arrestimin e kreut të Partisë së Lirisë, Ilir Meta, nga agjentët e BKH-së, me urdhër të SPAK-ut.

Ashtu siç shihej edhe në video, policia konfirmon se Meta ka bërë rezistencë.

Sipas bluve, kreu i PL-së ka reaguar në mënyrë refuzuese dhe kundërshtuese, si dhe ka lëshuar fjalë fyese në drejtim të përfaqësuesve të Policisë dhe Drejtësisë.

Policia deklaron se kjo ka qenë edhe arsyeja pse Meta është nxjerrë nga makina dhe është shoqëruar me forcë.

VIDEO EKSKLUZIVE/ Meta i bën rezistencë arrestimit, momenti kur nxirret nga mjeti
21 Tetor, 14:24
Arrestohet Ilir Meta
21 Tetor, 13:10

Njoftimi i plotë:

Policia e Shtetit ka marrë për ekzekutim vendimin e Gjykatës së Posaçme Kundër Krimit të Organizuar dhe Korrupsionit (GJKKO), me kërkesë të Prokurorisë së Posaçme për arrestimin e shtetasit I.M, 55 vjeç. Për zbatimin e këtij vendimi Policia e Shtetit ka marrë masa operacionale, sipas procedurave të parashikuara nga Rregullorja.

Rreth orës 13:15 minuta Policia e Shtetit ka marrë informacion dhe më pas ka konstatuar se në vendin e quajtur ‘Kthesa e Kamzës’, në zonën e Laprakës, shtetasi I.M po udhëtonte me një automjet në drejtim të Tiranës.

Në këtë moment është bërë ndalimi i automjetit dhe drejtuesi i grupit operacional i ka komunikuar shtetasit I.M, vendimin e gjykatës për masën e sigurisë “Arrest në burg” dhe i ka kërkuar të zbresë nga automjeti.

Shtetasi I.M. ka reaguar në mënyrë refuzuese dhe kundërshtuese dhe ka lëshuar fjalë fyese në drejtim të përfaqësuesve të Policisë dhe Drejtësisë.

Bazuar në procedurën e parashikuar nga Rregullorja, ai është nxjerrë nga automjeti dhe shoqëruar forcërisht.

Policia e Shtetit nënvizon se përdorimi i forcës për shoqërimin e subjektit u imponua nga kundërshtimi me forcë prej tij për zbatimin e vendimit të gjykatës që iu komunikua nga punonjësit e Policisë./ CNA