web counter
LEXO PA REKLAMA!

SHKARKO APP

App Store
Google Play

Jurgis Çyrbja dekonspiroi operacionet e policisë/ Si i njoftoi eksponentët e krimit

21 Tetor 2024, 10:49, Aktualitet CNA

Jurgis Çyrbja dekonspiroi operacionet e policisë/ Si i njoftoi

SPAK-u ka dalë me njoftimin zyrtar në lidhje me akuzat që rëndojnë mbi Jurgis Çyrbjën.

Sipas hetimeve, rezulton se Çyrbja ka nxjerrë sekrete shtetërore duke dekonspiruar operacionet policore dhe duke u dhënë informacion personave të botës së krimit në lidhje me aksionet që kryheshin ndaj tyre.

“Nga hetimet e kryera, ka rezultuar se aktet sekrete me anën e të cilave është vënë në dijeni personi nën hetim J.Ç., konfirmonin faktin se bashkëbiseduesit e aplikacionit të enkriptuar 'Sky ECC' ishin persona të shpallur në kërkim ndërkombëtar dhe ky informacion rreth përmbajtjes së dokumenteve dhe akteve që sipas ligjit përbëjnë sekret shtetëror, i është transmetuar pikërisht personave të shpallur në kërkim.

Gjithashtu, personi nën hetim J.Ç., është vënë në dijeni edhe të disa planeve operacionale të Policisë së Shtetit, lidhur me kontrollet që do zhvilloheshin në zonën e Durrësit, me qëllim për të kapur personat e shpallur në kërkim dhe ky informacion rreth përmbajtjes së dokumenteve dhe akteve që sipas ligjit përbëjnë sekret shtetëror u është transmetuar personave të shpallur në kërkim, si drejtëpërdrejtë prej tij, ashtu edhe përmes angazhimit të personit tjetër nën hetim A.M., me qëllim për të mundësuar njoftimi i personave të shpallur në kërkim, duke konsumuar elementët e veprës penale 'Tregimi i sekretit shtetëror nga shtetasit', kryer në bashkëpunim, parashikuar nga nenet 295/1 dhe 25 të Kodit Penal.

Informacionin që personat nën hetim J. Ç., dhe A. M., u kanë transmetuar personave të shpallur në kërkim ndërkombëtar ka shërbyer si një e dhënë e rëndësishme që këta persona të qëndronin të fshehur me qëllim që t’i shpëtonin kapjes apo arrestimit të mundshëm nga strukturat e Policisë së Shtetit, duke konsumuar elementët e veprës penale 'Përkrahja e autorit të krimit', kryer në bashkëpunim, parashikuar nga nenet 302/1 dhe 25 të Kodit Penal”, njofton SPAK-u./ CNA





Lajmet e fundit nga