web counter
LEXO PA REKLAMA!

SHKARKO APP

App Store
Google Play

E fundit!

x

“Na qëlluan me kallashnikov dhe lidhën me litar"/ Beqiri kujton torturat pas tentativës për arratisje

20 Tetor 2024, 21:45, Aktualitet CNA
“Na qëlluan me kallashnikov dhe lidhën me litar"/ Beqiri
Beqiri

Beqiri ka treguar këtë të diel historinë e tij të dhimbshme dhe internimin që iu bë pas tentativës për t’u arratisur në vitin 1987.

Ai tregoi se në moshën 31-vjeçari tentoi të arratisej me not me një shokun e tij nga Saranda në Korfuz.

“Isha 31 vjeç kur kam tentuar për t’u arratisur në 1987 nga Saranda.

Dua të them këtë që ne prisnim kur të vdiste Enveri do të ndryshonte sistemi dhe meqë kishim dëgjuar që flisnin gjithandej që ishte i sëmurë e ku e di unë, vdiq Enveri dhe 5 vjet më mbrapa, Ramiz Alia jo vetëm që nuk ndryshoi sistemin, por e shtrëngoi edhe më shumë, e bëri më fukarallëk.  Duke parë që ndryshime nuk kishte, unë vendosa për t’u arratisur bashkë me një shokun tim. Jemi hedhur në Sarandë më 17 tetor 1987”, rrëfeu ai.

Por, gjithçka mori tatëpjetën kur shokun e tij e kapi ngërçi i këmbës dhe u pikasën nga ushtria, e cila i qëlloi me automatik.

“Fatkeqësisht këtij shokut që ishte me mua, e zuri ngërçi siç quhet, iu bllokua këmba, pulpa e këmbës. Unë u mundova që ta ndihmoja gjatë natës. Faktikisht na zuri mëngjesi, ishim në ujërat tona, nuk kishim dalë në ujëra neutrale apo më larg dhe anija e kufirit që kalonte, na panë me dylbi dhe na erdhën aty. Ne ishim në ujë, nuk lëviznim dot. Na qëlluan me automatik për të na vrarë. Ishte fati jonë që unë sot jam këtu përpara që të tregoj këtë histori pak a shumë të dhimbshme, por është e nevojshme që brezat e rinj ta dinë.

Na qëlluan me automatik. Një kallashnikov komplet i automatikut është shkarkuar mu këtu, 30 cm nga gjoksi im”, tha Beqiri.

Pavarësisht se u shpëtuan plumbave, dy të rinjtë i prisnin torturat çnjerëzore brenda anijes.

“Neve pasi na futën në anije ushtarët që na morën, na kanë rrahur dhe na kanë bërë ato torturat e tyre, njerëz me tru të shpëlarë për mendimin tim dhe kur kemi zbritur në portin e Sarandës, na kanë lidhur me litar dhe na tërhiqnin me litar nga porti i Sarandës deri në degën e brendshme”, tregoi ai.

Beqiri tha se për tentativën e arratisjes u dënua me 22 vite burg, ndërsa shoku me 21 vite burg./ CNA





Lajmet e fundit nga