web counter
LEXO PA REKLAMA!

SHKARKO APP

App Store
Google Play

E fundit!

x

“Tarti i Spaçit”/ Historia e pabesueshme: Qeni u rrit nga të burgosurit politikë dhe u dënua me varje

20 Tetor 2024, 19:15, Aktualitet CNA

“Tarti i Spaçit”/ Historia e pabesueshme: Qeni u rrit nga

Ish-i burgosuri politik, Beqiri ka treguar këtë të diel historinë e pabesuesme të Tartit të Spaçit.

Tarti i Spaçit ka qenë një qen që u rrit nga të burgosurit, pasi hyri brenda rrethimit të burgut nëpërmjet vrimave të telave që kur ishte i vogël.

Beqiri tha te "Ka një mesazh për ty" se qeni u miqësua shumë me të burgosurit dhe pasi u bë revolta e Spaçit, disa të burgosur torturuan dhe u pushkatuan.

Sipas tij, Tarti sulmoi policët të cilët torturuan të burgosurit dhe pasi mbaruan pushkatimet e tyre u bë një gjyq për qenin, i cili gjithashtu u pushkatua.

“Tarti i Spaçit ka qenë një këlysh i vogël që nëpërmjet vrimave të telave të rrethimit nga ata fshatarët që jetonin aty rreth e rrotull ka hyrë në kampin e të burgosurve politikë. Të burgosurit politikë e kanë marrë, e kanë rritur, e kanë ushqyer me ato pak ushqime dhe ishte miqësuar me ta derisa u rrit, u bë qen i madh e i mirë. Në kohën që është bërë revolta në Spaç, aty u pushkatuan disa të burgosur politikë, u dënuan me dhjetëra, ua bënë dënimin me nga 25 vjet burg dhe bënë terror mbi të burgosurit politikë. Kur policët shkonin të arrestonin të burgosurit ose i torturonin pasi shuan revoltën, qeni u turrej policëve, i hante dhe nuk i linte që të arrestonin të burgosurit  politikë, por i mbronte të burgosurit. Pasi mbaruan të gjitha dënimet me vdekje të të burgosurve politikë dhe dënimet e tjera, në fund fare trupi gjykues i mblodhi të burgosurit politikë dhe tha sot do të kemi gjyqin e Tartit.

Bënë gjyq për qenin dhe e kanë dënuar qenin me varje. Një i burgosur politik që ishte aty brenda u ngrit dhe i tha trupit gjykues, “ju lutem, mos e dënoni qenin, në vend të qenit më dënoni mua. Edhe ty do të të vijë radha”, i tha atij”, deklaroi Beqiri./ CNA





Lajmet e fundit nga