E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Nga Meloni te raportet me Ramën/ Gjergj Luca i thotë të gjitha

19 Tetor 2024, 19:19, Aktualitet CNA

Sipërmarrësi dhe biznesmeni Gjergj Luca ka folur për mediat italiane për shumëçka.

Nga kryeministrja e Italisë Giorgia Meloni, raportet e tij me kryeministrin Edi Rama, restorantin e tij në Shëngjin “Trattoria Meloni”, si dhe për marrëveshjen me Italinë për emigrantët, biznesmeni ka dhënë mendimin e tij për secilën nga pyetjet.

Në një intervistë për “Piazza Pulita”, Luca e krahason Melonin me Nënë Terezën.

“Për mua kjo zonjë është Nënë Tereza, është si një perëndeshë për Italinë, kuptoni, sepse kjo zonjë flet për të vërtetën, ka folur për familjen, ka folru për traditën. Bota nuk mund të përfundojë me prindi 1 dhe prindi 2.

Nëse vendi juaj nuk rikthehet tek tradicionalja me tradicionale kuptohet familja dhe familja është zemra e një vendi.

Si mund të mos dashurosh këtë grua”, tha Luca.

I pyetur për restorantin Trattoria Meloni, biznesmeni u shpreh:

“Unë e shoh Shqipërinë si një Itali të vogël në filozofinë. Unë mendoj që orgazma e njeriut vjen nga stomaku. Gjithashtu të gjithë ne hamë nga kuzhina italiane”.

Në lidhje me ardhjen e emigrantëve nga Italia në Shqipëri, Luca tha se shqiptarët janë një popull human dhe janë të lumtur që po e ndihmojnë Italinë.

“Shqiptarët janë një popull human, janë një popull me origjinë krishtere. Ne jemi të lumtur se po japim ndihmën tonë modeste për ju”, tha ai.

Sa i përket raporteve me kryeministrin Edi Rama, sipërmarrësi tha se njihen që fëmijë dhe ka qenë një ndihmë e madhe për të pasi e ka lënë të lirë të punojë.

“E njoh që nga fëmijë deri sot, jemi në të njëjtën linjë melodie. Po është një ndihmë e madhe nëse dikush të lë të lirë të punosh, jemi shumë të lumtur. Kjo është të jesh i lirë”, u shpreh ai.

Ndër të tjera tha se: “Edi Rama është një rebel i të djathtës. Vërtetë ai hyri në politikë nga porta e së majtës, vetëm se Edi Rama është radikal i së djathtës njësoj si Meloni”/ CNA