web counter
LEXO PA REKLAMA!

SHKARKO APP

App Store
Google Play

E fundit!

x

“Shkova për të mbrojtur motrën”/ Çfarë deklaroi Antonela Berisha për dhunimin e Prengës

18 Tetor 2024, 15:45, Aktualitet CNA
“Shkova për të mbrojtur motrën”/ Çfarë
Antonela dhe Mariela Berisha

Antonela Berisha, së bashku me motrën e saj, Mariela Berisha, dhunuan barbarisht modelen Klea Prenga, krim për të cilin u vetëdorëzuan vetëm dy ditë më parë.

Këtë të premte ato kanë dalë para togave të zeza, ku kanë shprehur të dyja keqardhje për veprimet e tyre.

Antonela ka deklaruar se ajo dhe motra e saj kanë qenë duke darkuar dhe janë provokuar nga modelja.

Ajo ka pretenduar se në tavolinën e Klea Prengës ka shkuar për të mbrojtur motrën e saj.

“Më vjen shumë keq për çfarë ka ndodhur. Nuk ka qenë aspak qëllim yni që të ndodhte një ngjarje dhe aq më tepër një pasojë e tillë. Kemi shkuar në restorant të dyja me motrën për të darkuar. Në një moment ajo është ngritur rrëmbyeshëm nga tavolina, e provokuar nga sjellja e viktimës. Në gjaknxehtësi e sipër, aty në moment, ka rrëmbyer një gotë dhe e ka qëlluar viktimën. Kam ndërhyrë mes tyre vetëm për t’i ndarë, dhe mbi të gjitha për të mbrojtur motrën time. Ka një vit që nuk ndihet aspak mirë. E provokuar në mënyra të ndryshme. Më vjen shumë keq dhe nuk e shikoj dot motrën time në këtë gjendje. Kërkoj ndjesë dhe jam e gatshme të bëj gjithçka për të normalizuar marrëdhëniet dhe për ta ndihmuar viktimën të rehabilitohet fizikisht, për sa na takon. Kërkoj ndjesë publike përpara Gjykatës”, ka theksuar Antonela Berisha./ CNA





Lajmet e fundit nga