web counter
LEXO PA REKLAMA!

SHKARKO APP

App Store
Google Play

E fundit!

x

Klodiana Lala: SPAK mund ta mbërthejë Veliajn me hetimin pasuror, është i detajuar

17 Tetor 2024, 22:58, Aktualitet CNA
Klodiana Lala: SPAK mund ta mbërthejë Veliajn me hetimin pasuror,
Gazetarja Klodiana Lala

Gazetarja Klodiana Lala foli mbrëmjen e sotme për hetimet e SPAK-ut ndaj kryetarit të Bashkisë së Tiranës, Erion Veliaj.

Lala tha se SPAK mund ta mbërthejë Veliajn me hetimin pasuror, i cili sipas saj, po bëhet në mënyrë të detajuar.

“Një çështje kryesore është kryetari i Bashkisë së Tiranës, Veliaj, ku është fokusuar hetimi pasuror. Me sa po kuptoj e vetmja mundësi që SPAK mund ta mbërthejë është hetimi pasuror. Ka hetim shumë të detajuar, i ngjashëm me hetimin e zotit Ahmetaj. Nuk pati detaje për inceneratorët, por mënyra se si dyshohej se kishte bashkëpunuar, SPAK e akuzoi se kishte përfituar rryshfet. E njëjta praktikë po ndiqet edhe për zotin Veliaj, po hetohet rrethi i tij familjar”, u shpreh ajo në një dalje televizive.

Gazetarja deklaroi se hetimi pasuror i Veliajt është një dosje që po trajtohet veçmas nga SPAK-u.

“Për inceneratorin e Tiranës nuk janë mbyllur hetimet. Është një fraksion. Faza e parë, janë dy grupime, korrupsioni që dyshohet se kanë kryer, Mërtiri, Zoto, etj. Ka edhe një fraksion. Por veçmas për zotin Veliaj është hetim pasuror", theksoi Lala./ CNA





Lajmet e fundit nga