E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Zbërthimi i SKY ECC dhe Encrochat/ Denoncimi: Po bëhet presion i jashtëzakonshëm mbi Kushtetuesen

18 Tetor 2024, 12:49, Aktualitet CNA

Zbërthimi i SKY ECC dhe Encrochat/ Denoncimi: Po bëhet presion i

Kreu i PD-së, Sali Berisha, ka denoncuar sot në një konferencë me gazetarët se Gjykatës Kushtetuese po i bëhet një presion i jashtëzakonshëm për të vendosur zhvlerësimin e miliona faqeve miliona mesazheve dhe bisedave të sjella në përputhje me rregullin ndërkombëtar nga partnerët në të cilat Shqipëria faktohet si një vend që nga bodrumet e kriminelëve dhe mafies deri në zyrën e kryeministrit sundohet nga krimi.

Berisha tha se në këto biseda të dala nga aplikacionet SKY ECC dhe EncroChat, zbërthehen 98% e vrasjeve, zbërthehen 95% të trafiqeve kriminale, kokainë dhe kanabis, dhe trafiqe të tjera, zbërthehen 90% të ndërhyrjeve qeveritare në tenderë dhe koncesione.

Denoncimi i Berishës.

Sot jam para jush për të denoncuar një nga aktet më të shëmtuara dhe me pasoja më të rënda për këtë vend, presionin e jashtëzakonshëm që po bëhet mbi Gjykatën Kushtetuese për të vendosur zhvlerësimin e miliona faqeve, mesazhe dhe biseda, të sjella në përputhje me rregullin ndërkombëtar nga partnerët, agjencitë ligjzbatuese të vendeve partnere, në të cilat Shqipëria faktohet si një vend që nga bodrumet e kriminelëve dhe mafies gjer në zyrën e kryeministrit, sundohet nga krimi, krimi dhe vetëm krimi.

Po përdoret në këtë kontekst si pretekst një ankesë që ka bërë i pandehuri Pëllumb Gjoka.
Çdo i pandehur ka të drejtë të paraqesë në sistemin gjyqësor çdo ankesë, por Pëllumb Gjoka po përdoret vetëm si prestanome sepse në fakt prapa presionit të jashtëzakonshëm mbi Gjykatën Kushtetuese për të zhvlerësuar si dokumente të vlefshme ligjore 1 milion faqe, biseda dhe mesazhe midis kriminelëve, në të cilat gjenden, zbërthehen 98 për qind e vrasjeve.

Zbërthehen 95 për qind e të gjitha trafiqeve kriminale, kryesisht kokainës, kanabisit dhe trafiqeve të tjera.
Zbërthehen 90 për qind të ndërhyrjeve të qeveritarëve në tenderë dhe koncesione. Zbërthehet universi i krimit të shëmtuar kriminalo-banditesk elektoral.

Angazhimi nga Edi Rama, organizata e tij kriminale qeveri, qeveritarët vendorë, të të gjithë arsenalit mafioz të nëndheshëm kundër vullnetit të zgjedhësve në Shqipëri.

Pra, Pëllumb Gjoka po përdoret si prestanome, por e vërteta është se mbi gjykatësit kushtetues, presione nga më të paimagjinueshmet po ushtrohen nga narkoshteti me në krye Edi Ramën.

Një hordhi e tërë komisarësh, zyrtarësh, skapistësh, po përdor çdo mekanizëm që Gjykata Kushtetuese të vendosë në kundërshtim flagrant e cila dje në një verdikt historik në raport me betejën dhe krimin i shpalli të vlefshme të gjitha gjetjet në serverat e telefonave të koduar SKY ECC./ CNA