web counter
LEXO PA REKLAMA!

SHKARKO APP

App Store
Google Play

Djegia e gomave para Bashkisë Tiranë/ Nën hetim, Adriana Kalaja dhe 5 protestues

18 Tetor 2024, 12:30, Aktualitet CNA

Djegia e gomave para Bashkisë Tiranë/ Nën hetim, Adriana Kalaja

Gjatë protestës së përjavshme para Bashkisë së Tiranës dhe kundër Erion Veliajt, në shenjë proteste qytetarët dogjën dy goma makinash.

Për këtë shkak policia e Tiranës, nën drejtimin e Tonin Vocajt ka vënë nën hetim në gjendje të lirë Adriana Kalanë si organizatore e protestës dhe 5 protestues të tjerë.

Adriana Kalaja, 60 vjeçe, po hetohet për veprën penale "Prishja e rendit dhe qetësisë publike", "Ndotja e ajrit, e ujërave dhe e tokës" dhe "Organizimi dhe pjesëmarrja në grumbullime e manifestime të paligjshme".

Ndërsa shtetasit K. B., 22 vjeç, K. B., 35 vjeç, I. T., 49 vjeç, A. H., 45 vjeç, dhe S. N., 38 vjeç, për veprat penale "Kundërshtimi i punonjësit të Policisë së Rendit Publik", dhe "Organizimi dhe pjesëmarrja në grumbullime e manifestime të paligjshme".

Njoftimi i Policisë

Drejtoria Vendore e Policisë Tiranë në lidhje me tubimin e zhvilluar ditën e djeshme, në vijim të veprimeve hetimore të kryera ka referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, në gjendje të lirë për shtetasit A. K., 60 vjeçe, për veprën penale "Prishja e rendit dhe qetësisë publike", "Ndotja e ajrit, e ujërave dhe e tokës"dhe "Organizimi dhe pjesëmarrja në grumbullime e manifestime të paligjshme";

- K. B., 22 vjeç, K. B., 35 vjeç, I. T., 49 vjeç, A. H., 45 vjeç, dhe S. N., 38 vjeç, për veprat penale "Kundërshtimi i punonjësit të Policisë së Rendit Publik", dhe "Organizimi dhe pjesëmarrja në grumbullime e manifestime të paligjshme".

Këta shtetas ditën e djeshme kanë djegur dy goma automjetesh dhe më pas janë bashkuar me grupin e deputetëve dhe kanë kundërshtuar punonjësit e Policisë./ CNA





Lajmet e fundit nga