web counter
LEXO PA REKLAMA!

SHKARKO APP

App Store
Google Play

E fundit!

x

Vota e Diasporës në pikëpyetje/ Problematika në dërgimin e fletës së votimit jashtë vendit

18 Tetor 2024, 14:25, Aktualitet CNA

Vota e Diasporës në pikëpyetje/ Problematika në

KQZ sot është mbledhur për të diskutuar “Për miratimin e rregullave për regjistrimin e zgjedhësve nga jashtë vendit dhe përgatitjen e listës së zgjedhësve”.

Gjatë kësaj mbledhjeje është vendosur të merret në konsideratë fakti që ofruesit e shërbimit postar kanë shprehur se dërgimi i fletëve të votimit në adresat përkatëse të votuesve jashtë vendit mund të bëhet deri në 45 ditë. 

Por problemi qëndron se ashtu siç është bërë me dije më herët nga KQZ afatet për regjistrimin e subjekteve zgjedhore dhe kandidatëve, së bashku me kohën për prodhimin e fletëve të votimit datojnë rreth 10-12 ditë përpara datës së zgjedhjeve. Në çdo rast jo më parë se 30 ditë përpara.

Ndërkohë që të gjithë operatorët përfshi edhe atë publik vlerësojnë se është i pamundur dërgimi i fletëve të votimit jashtë dhe kthimi i tyre në Shqipëri në një kohë më të shkurtër se 30-45 ditë.

Praktikat e vendeve të tjera ku disa prej këtyre operatorëve janë angazhuar në votimin nga jashtë konfirmojnë afatin e dërgimit dhe të kthimit të fletëve të votimit nga jashtë, në një periudhë kohore jo më të pakët se 45 ditë.

Njoftimi i KQZ-së:

Në vijim të punës përgatitore që Komisioni Qendror i Zgjedhjeve po bën në kuadër të mundësimit të Votimit nga Jashtë Vendit (VJV), në datën 24 Shtator 2024 zhvilloi një takim konsultues në nivel teknik me operatorët e shërbimit postar ndërkufitar. Nga përmbajtja e këtij takimi me qëllim realizimin e procesit të VJV vlerësoj se duhet të konsiderohet sa vijon:

1. Të gjithë ofruesit e shërbimit postar ndërkufitar bënë me dije se koha që ju duhet për dërgimin e fletëve të votimit nga Shqipëria, në adresat përkatëse të votuesve jashtë vendit është 45 ditë. Koha më e shkurtër, por që do ta vinte gjithsesi në vështirësi/pasiguri procesin është 30 ditë. Sikurse ju e dini afatet për regjistrimin e subjekteve zgjedhore dhe kandidatëve, së bashku me kohën për prodhimin e fletëve të votimit datojnë rreth 10-12 ditë përpara datës së zgjedhjeve. Në çdo rast jo më parë se 30 ditë përpara. Të gjithë operatorët përfshi edhe atë publik vlerësojnë se është e pamundur dërgimi i fletëve të votimit jashtë dhe kthimi i tyre në Shqipëri në një kohë më të shkurtër se 30 - 45 ditë. Praktikat e vendeve të tjera ku disa prej këtyre operatorëve janë angazhuar në votimin nga jashtë konfirmojnë afatin e dërgimit dhe të kthimit të fletëve të votimit nga jashtë, në një periudhë kohore jo më të pakët se 45 ditë.

2. Duhet përjashtuar kategorikisht alternativa e dërgimit të fletës nga votuesi drejt KQZ me postë të thjeshtë pasi kjo e fundit nuk ka gjurmim të asnjë lloji. Dërgesa rekomande disponon një barcode (standardi ndërkombëtar i stampimit elektronik të adresës dhe barcode unik identifikues të dërgesës) me anë të të cilit mund të gjurmohet përgjatë rrugëtimit. Edhe dërgesa 'rekomande pavarësisht se lejon gjurmim, nuk ka prioritet si dërgesë. Kjo në kuptim të afateve. Me prioritet konsiderohen vetëm dërgesat me poste expres.

3. Nëse lihet në diskrecionin e zgjedhësit për të zgjedhur postën e kthimit, duhet përjashtuar opsioni i postës së thjeshtë, pasi nuk mund të gjurmohen dërgesat dhe ka shumë vonesa. Do të ishte me interes, për të maksimizuar pjesëmarrjen dhe kthimin e fletëve të votimit, që sikurse dërgimi, po ashtu edhe kthimi të bëhej i qendërzuar me të njëjtën kompani të shërbimit postar nga ana e KQZ./ CNA





Lajmet e fundit nga