web counter
LEXO PA REKLAMA!

SHKARKO APP

App Store
Google Play

E fundit!

x

SPAK: Meta ndërhyri për kontratën me kompaninë DIA, mori para nga Ismailaj

21 Tetor 2024, 18:50, Aktualitet CNA
SPAK: Meta ndërhyri për kontratën me kompaninë DIA, mori
Fotomontazh

SPAK ka bërë të ditur akuzat që rëndojnë ndaj kreut të Partisë së Lirisë, Ilir Meta dhe ish-bashkëshortes së tij, deputetes Monika Kryemadhi, në lidhje me çështjen ÇEZ-DIA.

SPAK deklaron se Meta dhe Kryemadhi, në bashkëpunim me funksionarë të tjerë publikë janë përfshirë në kryerjen e disa veprave penale.

Sipas Prokurorisë së Posaçme, Meta, në cilësinë e ministritë të Ekonomisë ka përdorur autoritetin dhe influencën e tij për të ndërhyrë në procesin e lidhjes së kontratës ndërmjet shoqërisë “Debt International Advisory” dhe kompanisë CEZ Shpërndarje.

SPAK: Meta ndërhyri për kontratën me kompaninë DIA, mori
Ilir Meta

Në njoftim thuhet se se Meta, Kryemadhi dhe funskionarët publikë kanë ndikuar drejtpërdrejt në procesin e përzgjedhjes së DIA-s për të kryer shërbimet e mbledhjes së borxheve të CEZ-it.

Gjithashtu, theksohet se kreu i PL-së ka kërkuar dhe pranuar shuma të konsiderueshme parash nga Kastriot Ismailaj, ish-administratori i kompanisë DIA, gjatë periudhës kur ai mbante funksionin e Ministrit.

“Është provuar se ish-Ministri i Ekonomisë, Tregtisë dhe Energjitikës, I. M., ka përdorur autoritetin dhe influencën e tij për të ndërhyrë në procesin e lidhjes së kontratës ndërmjet shoqërisë “Debt International Advisory” dhe kompanisë CEZ Shpërndarje. Kjo kontratë kishte për objekt asistimin në identifikimin dhe arkëtimin e borxheve të prapambetura.

Këto marrëdhënie ngushtësisht të ndërlidhura kanë ndikuar drejtpërdrejtë në procesin e përzgjedhjes së DIA-s për të kryer shërbimet e mbledhjes së borxheve të CEZ-it, pavarësisht se shoqëria nuk përmbushte të gjitha kriteret ligjore dhe profesionale për të menaxhuar detyrime të kësaj natyre.

Shoqëria “Debt International Advisory”, përmes kësaj marrëveshjeje ka përfituar në mënyrë të parregullt shumën prej 649,803,520 lekësh, e cila është konfirmuar nga një vendim gjyqësor i formës së prerë.

Hetimet e deritanishme kanë zbuluar se I.M. ka kërkuar dhe pranuar shuma të konsiderueshme parash nga z. K. I., gjatë periudhës kur ai mbante funksionin e Ministrit, detyrë e cila përfshinte mbikëqyrjen e procesit të privatizimit të CEZ-it dhe lidhjen e kontratave për mbledhjen e borxheve, duke konsumuar kështu elementët e veprës penale të “Korrupsionit pasiv të funksionarëve të lartë shtetërorë ose të zgjedhurve vendorë”, parashikuar nga neni 260 i Kodit Penal”, thuhet në njoftimin e SPAK-ut./ CNA





13:10 Aktualitet

Arrestohet Ilir Meta

Kreu i Partisë së Lirisë, Ilir Meta, është arrestuar. Arr...

Lajmet e fundit nga